ජාතික තොරතුරු හා සන්නිවේදන තාක්ෂණ විසඳුම් සම්පාදක වන SLT-MOBITEL, මෙවර ‘World Innovation Congress’ හිදී දුරකතන සන්නිවේදන ක්ෂේත්රයේ විශිෂ්ටතම නවෝත්පාදනය සම්මානය දිනාගැනීමට සමත් විය.
ග්රාමීය ප්රදේශවල අන්තර්ජාල බ්රෝඩ්බෑන්ඩ් ආවරණය පුළුල් කිරීම සඳහා හඳුන්වා දෙන ලද Sub-1GHz සංඛ්යාත පරාස LTE ජාල විසඳුම, මෙම සම්මානය SLT-MOBITEL වෙත හිමිවීමට ප්රධානතම හේතුවක් විය. Covid-19 හේතුවෙන් සංචරණ සීමාවන් පනවා තිබූ කාලසීමාව තුළදී විශේෂයෙන්ම ග්රාමීය ප්රදේශවල පාරිභෝගිකයන් සඳහා දුරකතන සන්නිවේදන යටිතල පහසුකම් හා සහය සේවාවන් වැඩිදියුණු කිරීමටද මෙම තාක්ෂණය භාවිතා කරන ලදී.
Covid-19 සංචරණ සීමාවන් නිසා නිවෙස්වල සිට රාජකාරි කිරීමට අවස්ථාවේදී බොහෝ දෙනෙකුට SLT-MOBITEL Mobile හි Sub-1GHz 850MHz LTE ජාලය සුවිශාල අත්වැලක් විය. LTE ජාලය නොපමාව දියත් කිරීම නිසා රාජකාරි කටයුතුවලදී මෙන්ම මාර්ගගත අධ්යාපනය, දුරස්ථ වෛද්ය සේවාවන් සහ ව්යාපාර කටයුතුවලදී බාධාවන්වලින් තොරව අඛණ්ඩව සිදුකර ගැනීමට අවස්ථාව ලැබිණි.