මෙරට තරුණ පරපුරේ තාක්ෂණික කුසලතා තවදුරටත් වැඩිදියුණු කිරීම අරමුණු කරගනිමින්, ජාතික තොරතුරු හා සන්නිවේදන තාක්ෂණ විසඳුම් සම්පාදක වන SLT-MOBITEL අනුග්රාහකත්වය ලබාදුන් SLIoT Challenge 2020 සහ IESL RoboGames 2020 හි ජයග්රාහකයන්ට සම්මාන හා ත්යාග ප්රදානෝත්සවය පසුගියදා පැවැත්වුණි. රොබෝ තාක්ෂණය සහ Internet of Things (IoT) සම්බන්ධ නවෝත්පාදන දිරිගන්වමින් SLIoT Challenge 2020 සහ IESL RoboGames 2020 තරග සංවිධානය කරන ලද්දේ SLT-MOBITEL, මොරටුව විශ්වවිද්යාලයේ පරිගණක විද්යා හා ඉංජිනේරු අංශය සහ ශ්රී ලංකා ඉන්ජිනේරු ආයතනයේ පරිගණක ඉන්ජිනේරු විද්යා කමිටුව විසිනි.
SLT-MOBITEL, මොරටුව විශ්වවිද්යාලයේ පරිගණක විද්යා හා ඉන්ජිනේරු අංශය සහ ශ්රී ලංකා ඉන්ජිනේරු ආයතනයේ පරිගණක ඉන්ජිනේරු විද්යා කමිටුව එක්වී SLIoT Challenge 2020 සහ IESL RoboGames 2020 තරග සංවිධානය කරන ලදී. තරුණ පරපුර අතර තාක්ෂණ දැනුම ව්යාප්ත කරමින්, නව තාක්ෂණික සංකල්ප නිර්මාණය වීමට අවශ්ය පසුබිම සකස් කිරීමේ මෙහෙවරට දායක වීමක් ලෙස SLT-MOBITEL, අඛණ්ඩව සිවුවැනි වරටත් මෙම තරග සඳහා අනුග්රාහකත්වය දැක්වීමට ඉදිරිපත් විය. මෙම තරග දෙකම තරුණ පරපුර අතර තාක්ෂණික නවෝත්පාදන දිරිගැන්වීම ඉලක්ක කරගත් තරග වූ අතර, එය පුරෝගාමී චින්තනය ඔස්සේ වඩාත් දියුණු සම්බන්ධතා සහිත අනාගතයක් උදෙසා මංපෙත් විවර කිරීමට SLT-MOBITEL වෙත ලැබුණු අගනා අවස්ථාවක් ලෙසද හැඳින්විය හැකි වේ.
