SDB බැංකුවේ අම්බලංගොඩ ශාඛාව නව නිවහනකට

SDB බැංකුවේ අම්බලංගොඩ ශාඛාව 2021 අප්‍රේල් මස 27 වැනි දා ගනුදෙනුකරුවන් වෙත වඩාත් කාර්යක්ෂම හා නවීන පහසුකම්වලින් සමන්විත සමීප සේවාවක් ලබාදීමේ අරමුණ ඇතිව නො 6/ඒ, අලුත් පාර, අම්බලංගොඩ යන නව ස්ථානයේදී ජාතික නිරෝධායන නීති අනුගමනය කරමින් විවෘත විය.

SDB බැංකුව ශ්‍රී ලංකා මහබැංකුව යටතේ බලපත්‍රලාභී විශේෂිත බැංකුවක් ලෙස ලියාපදිංචි කර ඇති අතර කොළඹ කොටස් වෙළෙඳපොළේ ලැයිස්තුගත ආයතනයක් ලෙස කටයුතු කරයි. ශ්‍රී ලංකා Fitch Rating ආයතනයේ BB+(stable) ලෙස වර්ගීකරණය කර ඇති අතර, දිවයින පුරා ශාඛා 94ක ජාලයක් සහිතව ක්‍රියාත්මක වෙමින් ප්‍රදේශයේ ගනුදෙනුකාර ප්‍රජාවට හා සුළු හා මධ්‍ය පරිමාණ ව්‍යවසායකයන් වෙත අවශ්‍ය මූල්‍යමය ශක්තිය ලබාදීමට කටයුතු කර තිබේ.
ඉන්දික ලක්මාල් මහතා අම්බලංගොඩ ශාඛාවේ කළමනාකරු ලෙස කටයුතු කරන අතර මෙම ශාඛාව වසර 15කට අධික කාලයක් ප්‍රදේශයේ ව්‍යාපාරික ප්‍රජාව හා ගනුදෙනුකාර භවතුන් වෙත සේවාව සපයා තිබේ.

SDB බැංකුවේ ප්‍රධාන විධායක නිලධාරී තිලක් පියදිගම මහතාගේ ප්‍රධානත්වයෙන් අම්බලංගොඩ ශාඛාව නව නිවහන විවෘත කළ අතර, මෙම අවස්ථාවට SDB බැංකුවේ ආයතනික කළමනාකාරීත්වයේ මහත්ම මහත්මීන් ද අම්බලංගොඩ නගරයේ ව්‍යාපාරික ප්‍රජාව ඇතුළුව පෞද්ගලික සහ රාජ්‍ය අංශය නියෝජනය කරමින් ගනුදෙනුකරුවන් රැසක් ද සහභාගී වූහ.