Crysbro Next Champ හි රවිඳු ජයසුන්දර එළඹෙන ජාත්‍යන්තර ක්‍රීඩා උළෙලේදී ජයග්‍රහණයක් අපේක්ෂා කරයි…

Crysbro සහ ශ්‍රී ලංකා ජාතික ඔලිම්පික් කමිටුව එක්ව ආරම්භ කළ NOCSL Crysbro Next Champ ශිෂ්‍යත්ව වැඩසටහනේ කැපී පෙනෙන තරුණ ක්‍රීඩක රවිඳු ජයසුන්දර ලබන වසරේ පැවැත්වෙන ජාත්‍යන්තර තරගවලදී පදක්කමක් දිනාගැනීමට අපේක්ෂාවෙන් සිටියි.

2020 ජාත්‍යන්තර කනිෂ්ඨ ක්‍රීඩා උළෙලේදී ශ්‍රී ලංකාව නියෝජනය කළ රවිඳු මේ වන විට දෙස් විදෙස් තරගාවලීන් නියෝජනය කරමින් රන් පදක්කම් 20ක්, රිදී පදක්කම් තුනක් සහ ලෝකඩ පදක්කම් තුනක් හිමි කරගෙන ඇති අතර ලෝක කනිෂ්ඨ ක්‍රීඩා උළෙලේදීද ඔහුගේ ඉහළම දක්ෂතාව පෙන්වන බවට සුබදායී බලාපොරොත්තුවක් තැබිය හැකිය. තරගාවලිය පිළිබඳ අදහස් දක්වමින් රවිඳු සඳහන් කළේ, තමාට විශ්වාසයෙන් ඊට සහභාගි වීමට අවස්ථාව සැලසීම පිළිබඳ NOCSL-Crysbro Next Champ ශිෂ්‍යත්ව වැඩසටහනට තම කෘතඥතාව පළ කරන බවයි. Crysbro Next Champ වැඩසටහන මේ දක්වා සාර්ථකව ක්‍රීඩා අපේක්ෂාවන්ට සහයෝගය දැක්වීමට මාවතක් සකසා ඇති අතර, ශ්‍රී ලංකාවේ සිටින දක්ෂ ක්‍රීඩක ක්‍රීඩිකාවන් 150කට අධික සංඛ්‍යාවක් ජාත්‍යන්තර ක්‍රීඩා පිටිය දක්වා ඔසවා තැබීය.