OPPO සිය නවතම දුරකථනය ‘OPPO F17 Pro’ ශ්‍රී ලංකාවට හඳුන්වාදෙයි

OPPO F Series දුරකථන මාලාවේ නවතම දුරකථනය ‘OPPO F17 Pro’ ශ්‍රී ලංකාවට හඳුන්වාදීමට OPPO සමාගම මේ වන විට කටයුතු යොදා තිබේ. AI තාක්ෂණය සහිත කැමරා 6ක පද්ධතියකින් සමන්විත OPPO F17 Pro දුරකථනය ඡායාරූපකරණ හැකියාව, නිමාව සහ බලශක්තිය කාර්යක්ෂම ලෙස භාවිතාකිරීම වැනි අංශවලින් කැපීපෙනෙන ලෙස ඉදිරියෙන් සිටිනු ඇත.

අඟල් 6.43 Full HD+ තිරයක් සමගින් එන OPPO F17 Pro දුරකථනයෙ හි යොදා ඇති ‘Mini-Dual Punch Hole’ සඳහා තිරයෙන් සුළු ඉඩක් පමණක් වෙන්වන නිසා තිරයට බාධාවීම අවමය. මිලිමීටර් 7.48ක් තරම් සිහින් නිමාවකින් සහ ග්‍රෑම් 164 තරම් කුඩා බර ප්‍රමාණයකින් යුත් මෙම දුරකථන ‘Magic Blue’ සහ ‘Matte Blue’ යන වර්ණ දෙකෙන් මිලදී ගැනීමට පාරිභෝගිකයන්ට අවස්ථාව ලැබේ.

‘Quad rear camera setup’ සහිත මෙම නව දුරකථන මාදිලියේ පසුපස 48MP කැමරා මූලික කැමරාවක්, 8MP Wide-angle කැමරා දෙකක් සහ 2MP කැමරා දෙකක් යොදා ඇත. එහි ඉදිරිපස යොදා ඇත්තේ 16MP primary sensor සහ 2MP depth sensor කැමරා දෙකකි. Ultra steady Video හැකියාව නිසා සෙලවෙන තත්ත්වයන් තුළ ලබාගත් වීඩියෝ දර්ශන පවා වඩා පැහැදිලිව, ස්ථාවරව හා තියුණුව දිස්වනු ඇත.

ශ්‍රී ලංකාවේ ගනුදෙනුකරුවන්ට දිවයින පුරා විසිරුණු OPPO බලයලත් අලෙවිසැල් වෙතින් දැන් OPPO F17 Pro දුරකථන පෙර-ඇණවුම් කළ හැකි අතර ඒ ඔස්සේ OPPO Enco Free W11,OPPO backpack හා Dialog 50GB data මාස දෙකකට නොමිලයේ ලබාගැනීමට අවස්ථාවක්ද හිමිවේ.