බදුල්ල දිස්ත්රික්කයේ ලුණුගල ප්රාදේශීය ලේකම් කොට්ඨාසයේ පිහිටි මාර්ග අපහසුතා සහිත ගම්මානයක් වන කොහොනාවල ගම්මානයේ පාසල් දරුවන් ප්රමුඛ ගම්වාසීන්ගේ ගමනාගමන කටයුතු පහසුව සඳහා “කොහොනාවල කඳුර” හරහා පුද්ගලික ධන පරිත්යාගයෙන් ඉදිකරන ලද “කොහොනාවල කෝසුව” ජනතා අයිතියට පත් කිරීම, බදුල්ල දිස්ත්රික් ලේකම් ප්රභාත් අබේවර්ධන මහතාගේ සහ ව්යාපෘතියේ සම්බන්ධීකාරක දයාසිරි ප්රනාන්දු මහතාගේ ප්රධානත්වයෙන් පසුගියදා(27) සිදු කෙරිණි.
හිරු නොදකින ගම්මානය ලෙස ප්රකට කොහොනාවල ගම්මානයේ පාසල් දරුවන් වර්ෂා කාලයේදී කොහොනාවල කඳුර හරහා පාසල වෙත යෑමේදී මුහුණ දෙන දුෂ්කරතා පිළිබඳ මාධ්ය තුළින් දුටු ඇමරිකාවේ වෙසෙන ශ්රී ලාංකිකයකු වන මහාචාර්ය සුසන්ත හේරත් මහතාගේ ධන පරිත්යාගයෙන් රුපියල් ලක්ෂ තිහක පමණ වියදමින් බදුල්ල දිස්ත්රික් ලේකම් කාර්යාලයේ සුබසාධක සංගමයේ තාක්ෂණික හා ශ්රම දායකත්වයෙන් මෙම කෝසුව නිම කර තිබේ.
කෝසුව ජනතා අයිතියට පත්කිරීමේ අවස්ථාවට ඌව පළාත් කෘෂිකර්ම අමාත්යාංශයේ ලේකම් නිමේෂා වනසිංහ, බදුල්ල හිටපු අතිරේක දිස්ත්රික් ලේකම් ඩබ්.එම්.ආර්.රංජිත්, ලුණුගල ප්රාදේශීය ලේකම් එස්.පුවනේන්ද්රන්, බදුල්ල සහකාර දිස්ත්රික් ලේකම් විමංස සෙනෙවිරත්න, සුභසාධක සංගමයේ ලේකම් සමන් හේරත්, බදුල්ල දිස්ත්රික් ලේකම් කාර්යාලයේ නිලධාරීන්, ගම්වාසීන් ඇතුළු පිරිසක් මෙම අවස්ථාවට එක්ව සිටියහ. Sri Lanka Latest News
ප්රියන්ත හෙට්ටිගේ
