IIT ආදි ශිෂ්‍ය සංගමයේ නිලධාරි මඬුල්ල පත් කෙරේ

ශ්‍රී ලංකාවේ පුරෝගාමී බි්‍රතාන්‍ය උසස් අධ්‍යාපන ආයතනයක් මෙන්ම තොරතුරු තාක්ෂණ සහ ව්‍යාපාර අධ්‍යයන සම්බන්ධයෙන් ප්‍රමුඛ ආයතනයක් ද වන Informatics Institute of Technology (IIT) ආයතනයේ ආදි ශිෂ්‍ය සංගමයෙහි 2019/20 වර්ෂය සඳහා නිලධාරි මණ්ඩලය පත් කිරීම හා නවතම ආදි ශිෂ්‍ය වෙබ් අඩවිය දියත් කිරීම පසුගියදා කොළඹ 02, එලිවේට්හිදී පැවැත්වුණු වාර්ෂික හමුව අතරතුර සිදු කෙරිණි.

බි්‍රතාන්‍යයේ වෙස්ට්මින්ස්ටර් විශ්වවිද්‍යාලයේ උපකුලපති ආචාර්ය, පීටර් බොන්ෆීල්ඞ්, IIT අධ්‍යක්ෂ මහාචාර්ය ජයන්ත විජේරත්න, IIT පීඨාධිපති නයෝමි ක්‍රිෂ්ණරාජා, IIT සාමාජිකයන් මෙන්ම, විවිධ වයස් කාණ්ඩවල ආදි සිසුන් ඇතුළු විශාල පිරිසකගේ ප්‍රධානත්වයෙන් එම හමුව පැවැත්විණි. හමුවෙහි සාම්ප්‍රදායික වැඩ කටයුතුවලින් හා නිලධාරි මණ්ඩලය පත් කිරීමෙන් අනතුරුව, https://alumni.iit.ac.lk/ යන නවතම IIT ශිෂ්‍ය වෙබ් අඩවිය නිල වශයෙන් දියත් කිරීම සිදු කෙරිණි.