ලොව ප්රමුඛ පෙළේ වාහන නිෂ්පාදකයකු වන ඉන්දියාවේ Mahindra & Mahindra සමාගමේ මෙරට බලයලත් අලෙවි නියෝජිත අයිඩියල් මෝටර්ස් සමාගම ඉන්දියාවේ මහින්ද්රා සමාගමේ 2024 වසර සඳහා පවත්වනු ලැබූ ගෝලීය තරගාවලියකදී සම්මාන රැසකින් පිදුම් ලැබීය. Sri Lanka Latest News
මෙම තරගාවලිය සඳහා Mahindra & Mahindra සමාගමේ නිෂ්පාදනයන් අලෙවි කරන රටවල් 23ක සහභාගිත්වයෙන් පැවති අවසන් මහා තරගාවලියේදී අයිඩියල් මෝටර්ස් සමාගම නියෝජනය කළ තරගකරුවන් සම්මානයට පාත්ර විණි.
මෙම තරගාවලිය සෑම වසර දෙකකට වරක් ඉන්දියාවේ Mahindra & Mahindra සමාගම විසින් සංවිධානය කරනු ලබන ජාත්යන්තර මට්ටමේ තරගාවලියකි. මෙම තරගාවලියේ ප්රධාන පරමාර්ථය වන්නේ ලොව පුරා සිටින මහින්ද්රා සමාගමේ විකුණුම් සහ සේවා පුද්ගලයින්ගේ කුසලතා අගය කිරීමයි.
2024 වසර සඳහා වන අවසන් තරගය පසුගියදා ඉන්දියාවේදී පැවැත්විණි. මෙම නිපුණතා තරගය අදියර තුනකින් පැවැත්වුණු අතර පළමු අදියර දේශීය මට්ටමින්, දෙවන අදියර කලාප මට්ටමින් සහ අවසාන තරගය ගෝලීය මට්ටමින් පැවැත්විණි. රටවල් 23 ක සාමාජිකයින් 1300 කට අධික පිරිසක් දේශීය මට්ටමේ තරගයට සහභාගී වූ අතර මෙහිදී, අයිඩියල් මෝටර්ස් දීපව්යාප්ත වැඩමුළු සහ අලෙවි ප්රදර්ශනාගාරවල සේවකයින් දේශීය මට්ටමේ තරගයට සහභාගී විය. ඒ අතරින් 7 දෙනෙක් කලාප වටයට සුදුසුකම් ලැබූ අතර කලාප වටයේ තරගය සඳහා රටවල් 23 කින් සාමාජිකයින් 200 කට වැඩි පිරිසක් සහභාගී වූහ. අයිඩියල් මෝටර්ස්හි සාමාජිකයින් 5 දෙනෙකු ඉන්දියාවේ පැවති අවසන් මහා තරගය සඳහා සුදුසුකම් ලැබීය.
වාණිජ කාර්මික (Commercial Technician), දෝෂ විනිශ්චය කාර්මික (Diagnostic Technician), සේවා උපදේශක (Service Advisor), විකුණුම් උපදේශක (Sales Consultant) යන කාණ්ඩ යටතේ තරග වැදුනු අයිඩියල් මෝටර්ස් සමාගමේ තරගකරුවන්ට මෙම සම්මාන හිමි විය. මෙහිදී වාණිජ කාර්මික අංශයේ ජයග්රාහක කේ. ඒ. ඩී. එන්. චාමර (Ideal රත්මලාන සේවා ස්ථානය), 1වන අනුශූරතාව වාණිජ කාර්මික අංශයේ ඒ. එම්. ටී. යූ. අත්තනායක ( Ideal වනවාසල සේවා ස්ථානය), 1වන අනුශූරතාව SUV විකුණුම් උපදේශක ඕ. එම්. ආර්. ඩීන් (Ideal ආයතනික විකුණුම් ප්රධානී) 2වන අනුශූරතාව එස්. සතුර්ෂාන් (Ideal යාපනය සේවා ස්ථානය) සම්මානවලින් පිදුම් ලැබීය. මීට අමතරව සුබෝධ වීරසේකර (Ideal රත්මලාන සේවා ස්ථානය) තරගාවලිය නියෝජනය කරනු ලැබීය.
පාරිභෝගිකයාගේ සෞභාග්ය යන තේමාව මූලික කරගත් අයිඩියල් මෝටර්ස් සමාගම ලැබූ මෙම සම්මාන තුළින් සිය පාරිභෝගියන් වෙනුවෙන් ලබාදෙන සුවිශේෂී සේවාව මෙමගින් මනාව පිළිබිඹු වේ. අයිඩියල් ව්යාපාර සමූහයේ නිර්මාතෘ හා සභාපති නලීන් වෙල්ගම මහතාගේ මගපෙන්වීම යටතේ අයිඩියල් මෝටර්ස් සමාගම නව වෙළෙඳ රථ පාරිභෝගියන් හට සේවාවන් සැපයීමට 300 කට අධික සේවා බලකායක් ස්ථාපිත කර ඇති අතර තවද අයිඩියල් මෝටර්ස් සමාගමෙහි සහෝදර සමාගමක් ලෙස අයිඩියල් ෆස්ට් චොයිස් නාමය යටතේ අලුත්වැඩියා ස්ථාන දිවයින පුරා පිහිටුවා ඇත.
ශ්රී ලාංකීය සැහැල්ලු වෙළෙඳ රථ කාණ්ඩයේ ප්රමුඛයා වන අයිඩියල් මෝටර්ස් සමාගම තවත් සුවිශේෂී සංධිස්ථානයක් සනිටුහන් කරමින් 2019 වර්ෂයේදී පාරිභෝගික සේවා අංශයේ මෝටර් රථ අංශය සඳහාද යොමු විය. මේ සඳහා කලුතර දිස්ත්රික්කයේ වැලිපැන්න ප්රදේශයේ අතිනවීන අංගෝපාංගයන්ගෙන් සමන්විත කර්මාත්තශාලාවක් ආරම්භ කෙරිණි. එහිදී මහින්ද්රා අයිඩියල් ලංකා සමාගම ස්ථාපිත කර මහින්ද්රා KUV100 Mini SUV මෝටර් රථය සහ මහින්ද්රා බොලෙරෝ රථය මෙරට එකලස් කිරීම ආරම්භ කරනු ලැබීය. මෙම අංශයේ පාරිභෝගිකයන් සඳහාද දිවයිනේ දිස්ත්රික්ක 25 ආවරණය වන පරිදි පාරිභෝගික රථ සඳහා විධිමත් ලෙස අලෙවියෙන් පසු සේවාවක් සැපයීමට සේවා ස්ථාන ආරම්භ කිරීමට කටයුතු යොදනු ලැබීය.
තම පාරිභෝගිකයන්ගේ අවශ්යතාවන් නිරතුරුව සපුරාලමින් සාර්ථකත්වය වෙත ගමන් කිරීම අයිඩියල් මෝටර්ස් සමාගමේ අභිප්රාය වේ.
ඡායාරූපය
අයිඩියල් මෝටර්ස්හි ඉන්දික වෙදගේ, සුබෝධ වීරසේකර, සිවරාසන් සතුර්ෂාන්, නුවන් චාමර, ඉරුක අත්තනායක, ඉන්දියාවේ මහින්ද්ර ඇන්ඩ් මහින්ද්ර සමාගමේ ජාත්යන්තර තොරතුරු ප්රධානී සහ රථවාහන අංශය සචින් අරොල්කාර්, රිෂ්ඩි ඩීන්, ඉන්දියාවේ මහින්ද්ර ඇන්ඩ් මහින්ද්ර සමාගමේ ශ්රී ලංකා පාරිභෝගික සේවා කළමණාකරු, ප්රියදර්ශන් මාරිෂ්, ප්රසන්න මනම්පේරි, සමීර බමුණුආරච්චි යන මහත්වරුන් සමූහ ඡායාරූපයකට පෙනී සිටි අයුරු.
