EVOKE 12 වැනි සංවත්සරය අභිමානයෙන් සමරයි

ශ්‍රී ලංකාවේ විනෝදාස්වාද ක්ෂේත්‍රයේ ප්‍රමුඛතම සමාගමක් වන Evoke International (පුද්.) සමාගම පසුගියදා සිය 12 වැනි සංවත්සරය සැමරීය. ශ්‍රී ලංකාවේ විශාලතම අගය එකතු කළ සේවාවන් (VAS Services) සපයන්නා වන එම සමාගම තොරතුරු තාක්ෂණය මූලික කරගත්, නවමු ආකාරයේ පාරිභෝගික කේන්ද්‍රීය සේවාවන් රාශියක් සපයයි. විවිධ ක්ෂේත්‍රවල අතිදක්ෂයන් වූ කණ්ඩායමකින් සමන්විත එම සමාගම මගින් ජංගම දුරකථන යෙදුම් සහ වෙබ් අඩවි නිර්මාණය මෙන්ම Content Aggregation, Content Production, WAP Products, SMSC, IVR, Voice Services සහ Digital Media යන කාණ්ඩවලට අයත් සේවාවන් ලබාදෙනු ලැබේ.

විනෝදාස්වාද ක්ෂේත්‍රය ප්‍රධාන ධාරාව වෙතින් ඩිජිටල් මාධ්‍ය වෙත යොමුවීම වේගවත් වීමත් සමග 2008 වසරේදී Evoke ආරම්භ කරන ලදී. අනෙකුත් තරගකරුවන්ට වඩා වෙනස් වෙමින්, හුදෙක් සේවා ආයතනයක සීමාවෙන් ඔබ්බට ගොස්, සේවාදායකයන් ගෙවන මිලට උපරිම වටිනාකමක් හිමිවන සුවිශේෂී හා පුළුල් විසඳුම් ලබාදෙන ඩිජිටල් සේවා සම්පාදකයෙක් බවට පත්වීම එහි අරමුණ විය.

SLT Filmhall, Evoke Video Unlimited, Airtel Movie Box, Airtel Music Box, Vindana Application, Vindana TV, Reverse Bid වැනි සේවාවන් හඳුන්වා දීම්වලට අමතරව මේ වන විට YouTubeහි අංක එකේ දේශීය සංගීත නාලිකාව බවට පත්වී ඇති Evoke Musicද නිර්මාණය කිරීමට Evoke සමත් වී තිබේ. මේ වනවිට ප්‍රමුඛ පෙළේ දුරකථන සමාගම් හා මාධ්‍ය ආයතන මෙන්ම Hungama, iTunes, Spotify සහ AWS වැනි වෙනත් හවුල්කරුවන් රාශියක් හරහා විනෝදාස්වාද සේවාවන් ලබාදීමට Evoke කටයුතු කරයි.