පෑන් ඒෂියා බැංකුව Lanka Pay අන්තර්ජාල ගෙවීම් වේදිකාව සමග සම්බන්ධ වූ පළමු ශ්රී ලාංකික බැංකුව වන අතර, පාරිභෝගික පහසුව සහ සිය පාරිභෝගිකයන්ට උසස් පාරිභෝගික අත්දැකීමක් ලබාදීමේ අරමුණ පෙරටුකොට ගෙන, සිය ගනුදෙනුකරුවන්ට Lanka Pay හරහා ගෙවීමේ කිරීමේ පහසුව ලබාදී ඇත. ඒ අනුව පෑන් ඒෂියා Business Internet Banking හරහා ශ්රී ලංකා රේගුවට හා ආයෝජන මණ්ඩලයට ගෙවීම් සිදුකළ හැක.
ශ්රී ලංකා රේගුව වෙත ගෙවීම් සිදුකිරීමට බලාපොරොත්තුවන පාරිභෝගිකයන්හට පෙරදී මෙන් වෙනත් බැංකු වෙත ගොස් ගෙවීම් නියෝග ලබා ගැනීම තවදුරටත් අවශ්ය නොවේ. ඒ වෙනුවට අවශ්ය වන්නේ පෑන් ඒෂියා Business Internet Banking පහසුකම වෙත පිවිසීම පමණි. ශ්රී ලංකා රේගු ගෙවීමේ වටිනාකම කුමක් වුවත් නාමික හා ස්ථාවර ගණුදෙනු ගාස්තුවකට අයවන්නේ රු.50ක් පමණි. මේ හරහා එක් ගණුදෙනු වාරයකදී ශ්රී ලංකා රේගුව වෙත ගෙවිය හැකි වටිනාකම බිලියන 9කි. මෙම නවෝත්පාදනය බදු ගෙවන්නන් හට පහසු, කාර්යක්ෂම සහ ලාභදායි ක්රමවේදයක් ඉදිරිපත් කරයි. එක් ගණුදෙනු වාරයකදී ආයෝජන මණ්ඩලය වෙත මිලියන 50ක ගෙවීමක් සිදුකළ හැකිය.
Lanka Pay ඉලෙක්ට්රොනික් ගෙවීම් පද්ධතිය හරහා පහසුකම් සපයන මෙම සේවාවේදී ප්රමාදයකින් තොරව එවලේම මුදල් බැර කරනු ඇත. එමෙන්ම, මෙම පද්ධතිය හරහා ගෙවීම් සිදුකරන්නන් හට අවශ්ය ගෙවීම් තහවුරු කිරීමේ විස්තර ද එවලේම සපයනු ලැබේ.
