නීති විරෝධී ලෙස ආනයනය කරන ලද රුපියල් 124,019,554ක් පමණ වටිනා දුම්වැටි තොගයක් ශ්රී ලංකා රේගු ආදායම් කාර්ය සාධක බළකායේ (RTF) නිලධාරීන් විසින් පෙරේදා (17වැනිදා) පස්වරුවේ කොළඹ වරාය පරිශ්රයේ ගබඩාවක සිදුකළ පරීක්ෂාවකදී අත්අඩංගුවට ගෙන තිබේ. Sri Lanka Latest News
මෙම දුම්වැටි තොගයේ මැන්චෙස්ටර් සන්නාමයේ සිගරට් කූරු 713,000 ක් (Ctns 3565) තිබූ බව රේගු මාධ්ය ප්රකාශක, අතිරේක රේගු අධ්යක්ෂ ජනරාල් සීවලී අරුක්ගොඩ මහතා පැවසීය.
එක්සත් අරාබි එමීර් රාජ්යයේ සිට පාදුක්ක ප්රදේශයේ සමාගමකට ආනයනය කර තිබූ මිලිමීටර් 5 ක කුහරයක් සහිත පොලිප්රොපිලීන් රැලි සහිත තහඩු පැලට් 05 ක් තුළ සඟවා තිබියදී මෙම නීති විරෝධී දුම්වැටි තොගය රේගු නිලධාරීන් විසින් අත්අඩංගුවට ගත් බව රේගු මාධ්ය ප්රකාශක සීවලී අරුක්ගොඩ මහතා කියා සිටියේය.
දුම්වැටිවල ඇස්තමේන්තුගත වටිනාකම රු. 124,019,554 ක් බවත් යම්කිසි ලෙසකින් මෙම දුම්වැටි තොගය රේගුවෙන්රුපියල් පිටවූයේ නම් රුපියල් 107,985,621 මුදලක තීරු බදු මුදලක් රජයට අහිමිවීමට තිබූ බවත් ඒ මහතා වැඩිදුරටත් ප්රකාශ කළේය.
මේ පිළිබඳව වැඩිදුර විමර්ශන රේගු ආදායම් කාර්ය සාධක බළකා නිලධාරීන් විසින් පවත්වයි.
