2023 වසරේ මාතර, වැලිගම ප්රදේශයේ සිදුවු වෙඩිතැබීමට අදාළව වරෙන්තු ලබා සිටි පොලිස්පති දේශබන්දු තෙන්නකෝන් මහතා මීට සුළු මොහොතකට පෙර මාතර මහෙස්ත්රාත් අධිකරණයට ඉදිරිපත් වී තිබේ. Sri Lanka Latest News
අදාළ සිද්ධිය සම්බන්ධයෙන් මාතර මහෙස්ත්රාත් අධිකරණය ලබාදුන් නියෝගය ක්රියාත්මක කිරීම වළක්වාලමින් අතුරු තහනම් නියෝගයක් නිකුත් කරන්නැයි ඉල්ලා දේශබන්දු තෙන්නකෝන් මහතා ඉදිරිපත් කළ රිට් පෙත්සම විභාගයට නොගෙනම නිෂ්ප්රභ කිරීමට අභියාචනාධිකරණය පෙරේදා තීන්දු කළේය.
ඒ අනුව දේශබන්දු තෙන්නකෝන් මහතා වහාම අත්අඩංගුවට ගෙන අධිකරණයට ඉදිරිපත් කිරීමට පියවර ගන්නා ලෙස අභියාචනාධිකරණ විනිසුරු මඩුල්ල විසින් අපරාධ පරීක්ෂණ දෙපාර්තමේන්තුවට නියෝග කළේය.
එවැනි පසුබිමක අද (19) පෙරවරුවේ ඔහු මාතර මහෙස්ත්රාත් අධිකරණයට ඉදිරිපත් වී තිබේ.
