CIMA වෙතින් ශ්‍රී ලාංකික සිසුන්, වෘත්තිකයන් සහ විශ්වවිද්‍යාල සිසුන් සඳහා අත්වැලක්

CIMA වෙතින් හඳුන්වා දෙන ඩිජිටල් ඉගෙනුම් ක්‍රමවේදය හෙවත් CGMA මූල්‍ය නායකත්ව වැඩසටහන (CGMA FLP) අද දින දියත් කළ බව CIMA ආයතනය විසින් නිවේදනය කරනු ලැබීය. මෙම පහසුකම යටතේ ශ්‍රී ලංකාව පුරා සිටින සිසුන්ට, වෘත්තිකයන්ට සහ විශ්වවිද්‍යාල සිසුන්ට CIMA වෘත්තීය සුදුසුකම් සම්පූර්ණ කිරීම සඳහා නව විකල්ප මාර්ගයක් විවර වනු ඇත.

පසුගිය වසරේ අග භාගයේදී මෙම වැඩසටහන ගෝලීය මට්ටමින් මුල් වරට හඳුන්වා දෙනු ලැබූ අතර ඒ යටතේ අප්‍රිකා, යුරෝපා සහ ආසියා කලාපයන්හි ජාත්‍යන්තර සහතිකලත් වෘත්තීය ගණකාධිකාරී සංගමය, ඇමරිකාවේ CPAs (AICPA) ආයතනය සහ වරලත් කළමනාකරණ ගණකාධිකාරී ආයතනය (CIMA) සහයෝගීතාව වැඩසටහන දියත් කරන ලදී.

මාර්ගගත ආකාරයෙන් සිදු කෙරෙන දුරස්ථ අධ්‍යාපන ක්‍රමවේදයන් පසුගිය වකවානුව තුළ ලොව පුරා ශීඝ්‍රයෙන් ප්‍රචලිත වූ අතර මෙමඟින් වඩා නම්‍යශීලී හා ස්වයං අධ්‍යාපන රටාවක් ගෝලීය වශයෙන්ද ගොඩනැඟිණි. මෙම පහසුකම භාවිතයෙන් අනාගත ලෝකයේ ව්‍යාපාරික හා ආර්ථික කටයුතු සඳහා අවශ්‍ය වරලත් ගෝලීය කළමනාකරණ ගණකාධිකාරීවරුන් (CGMA) වැඩි වශයෙන් දායක කිරීමට හැකිවනු ඇතැයි අපේක්ෂා කළ හැකිය.