AIA ඉන්ෂුවරන්ස් නොබෝදා උපත ලැබූ සය නිවුන් දරුවන්ගේ මවුපියන් වෙත සිය හදපිරි සතුට පළකර සිටියි!

අභිනවයෙන් දරුවන් 6 දෙනකුගේ මවුපිය පදවිය වෙත පියමනින මවුපියන් හට AIA ඉන්ෂුවරන්ස් සිය හදපිරි සුබපැතුම් එක්කර සිටියි.

AIA ඉන්ෂුවරන්ස්හි සන්නාම ප්‍රතිඥාවට අනුව සියලු දෙනාට සුවපත්, සැපවත්, දිගුකල් ජීවිතයක් අත්කර ගැනීමට සහාය වීමට කැපවන සමාගමක් ලෙස මෙම විශේෂ අවස්ථාව බෙහෙවින් අගයකොට සලකමින් දරුවන්ගේ පියාට වසර 10ක් සඳහා රු.10,000,000ක ජීවිත රක්ෂණාවරණයක් නොමිලේ ලබා දීමත්, දරුවන්ගේ අනාගත සුබසෙත වෙනුවෙන්, ඔවුනගේ සෞඛ්‍ය සහ අධ්‍යාපන වියදම් සඳහා රු.500,000ක මුදල් වවුචරයක්ද ලබාදීමත් AIA ඉන්ෂුවරන්ස්හි ප්‍රධාන විධායක නිලධාරී නිඛිල් අද්වානී සහ නයින්වෙල්ස් මාතෘ රෝහලේ ජ්‍යෙෂ්ඨ අධ්‍යක්ෂ විශ්‍රාමික මේජර් ජෙනරල් රණවීර මහතාගේ සහභාගිත්වයෙන් පසුගියදා පැවැති මාධ්‍ය සාකච්ඡාවකදී සිදුකෙරිණි.