AIA, පිළිකා සංගමය සමගින් සහයෝගීතාවය අඛණ්ඩව 3 වැනි වසරටත්!

AIA ඉන්ෂුවරන්ස් 2021 වසර සඳහා ශ්‍රී ලංකා පිළිකා සංගමය සමගින් ඇතිකරගෙන ඇති සහයෝගීතාවය අඛණ්ඩව 3 වැනි වසරටත් අලුත් කළ බව ප්‍රකාශ කර සිටියි. මේ ඔස්සේ AIA ඉන්ෂුවරන්ස් විසින් 2020 වසර පුරාවට අලෙවි කරන සෑම රක්ෂණ වරයක් වෙනුවෙන් රු. 100ක මුදලක් ශ්‍රී ලංකා පිළිකා සංගමය වෙත පරිත්‍යාග කරනු ඇත. AIA ඉන්ෂුවරන්ස් සමාගමේ ප්‍රධාන විධායක නිලධාරී නිකිල් අද්වානි සහ ශ්‍රී ලංකා පිළිකා සංගමයේ සභාපති වන නිහාල් රොඩ්රිගෝ විසින් නොබෝදා ඒ පිළිබඳ අවබෝධතා ගිවිසුම අත්සන් කරන ලදී.

2019 වසරේ දී AIA සමූහයේ සියවස් සැමරුම නිමිත්තෙන් AIA ඉන්ෂුවරන්ස් ලංකා සමාගම, ශ්‍රී ලංකා පිළිකා සංගමයට අනුග්‍රහය දැක්වීමට කටයුතු කළේය. එහිදී අවබෝධතා ගිවිසුමකට එළඹෙමින් එම වසරේ සමාගම අලෙවි කරන සෑම රක්ෂණ වරයක් සඳහාම සමාගම ශ්‍රී ලංකා පිළිකා සංගමයට රු. 100ක මුදලක් පරිත්‍යාග කිරීමට ප්‍රතිඥා දෙන ලද අතර, එමගින් වසර අවසානය වන විට ශ්‍රී ලංකා පිළිකා සංගමය වෙත රු. මිලියන 5කට ආසන්න පරිත්‍යාගයක් ලබාදීමට සමාගමට හැකිවිය.