AIA ඉන්ෂුවරන්ස් විශිෂ්ට අලෙවිකරුවන් අගයයි

AIA ඉන්ෂුවරන්ස්, ඩිජිටල් තාක්ෂණය ඔස්සේ ප්‍රථම වරට පවත්වන ලද අලෙවි සම්මාන උළෙලක දී 2019 සඳහා ඉහළම කාර්ය සාධනයක් දක්වන ලද සිය ජයග්‍රාහී අලෙවි බලකා සාමාජිකයින් ඇගයීමට ලක්කරන ලදී. ‘Awaken the Superhero in You’ යන මැයෙන් පවත්වන ලද මෙම ඩිජිටල් සම්මාන උළෙල සඳහා දිවයින පුරා විසිර සිටින AIA අලෙවි බලකා සාමාජික සාමාජිකාවන් 2663 දෙනෙකු ඔවුන් සහ ඔවුන්ගේ සහෝදර අලෙවි බලකා සාමාජිකයින්ගේ ජයග්‍රහණ සැමරීම සඳහා සහභාගී වූහ. ජයග්‍රාහී අලෙවි බලකා සාමාජිකයින්, සිය සේවාලාභීන්හට අතිවිශිෂ්ට සේවාවක් අත්පත් කරදීම සඳහා ඔවුනගේ සාමාන්‍ය සේවා ඉස්සව්වෙන් ඔබ්බට යමින් කළ කැපකිරීම් වෙනුවෙන් මෙසේ ඇගයුමට ලක්වූහ.