‘21FOR21’ ව්‍යාපෘතියට එයාර්ටෙල් ලංකා සමාගම ජවය ලබා දෙයි

ශ්‍රී ලාංකික තරුණ ප්‍රජාව තුළ ව්‍යවසායකත්ව කුසලතා සවිබල ගැන්වීම අරමුණෙන් ‘21FOR21’’ තේමාව රැගත් 2020 ලෝක තරුණ නිපුණතා දිනය (WYSD) සහ ජාත්‍යන්තර තරුණ දිනය (IYD) සංකේතවත් කිරීම සඳහා එයාර්ටෙල් ලංකා සමාගම USAID ආයතනයේ අරමුදලින් ක්‍රියාත්මක වන තරුණ නිපුණතා සංවර්ධන හා ව්‍යවසායකත්ව ව්‍යාපෘතිය වන YouLead සමඟ අත්වැල් බැඳගෙන ඇත- මෙම ව්‍යාපාරයේ අරමුණ වූයේ 21 වන සියවසෙදී තරුණ රැකියා සහ ව්‍යවසායකත්වය සඳහා විචාරශීලී කුසලතා 21ක් හඳුන්වා දීමයි.

මේ වසරේ WYSD & IYD දිනයන් සමරනු ලැබුවේ අභියෝගාත්මක කාල පරිච්ඡේදයක් තුළය. කොවිඞ්-19 වසංගතය පැතිරීමේ අවදානමත් සමඟ lockdown කිරීමේ පියවර ක්‍රියාත්මක වීම නිසා ලොවපුරා කටයුතු මන්දගාමීව සිදු වූ අතර බොහෝ අධ්‍යාපන ආයතන වසා දැමීම නිසා ඉගෙනුම් කටයුතුවලට තර්ජනයක් එල්ල විය. නැවත යථා තත්ත්වයට පත් වීමේ ප්‍රයත්නයට සහයෝගය දැක්වීමට එයාර්ටෙල් සමාගම වසංගතය අතරතුර online හරහා අඛණ්ඩව කුසලතා සංවර්ධනය කිරීම සඳහා තරුණ ප්‍රජාවට අවස්ථාවක් ලබා දෙමින් youlead සමඟ එක් විය.

විචාරශීලී චින්තනය, නායකත්වය, නවෝත්පාදනය, තාක්ෂණික සාක්ෂරතාවය සහ විවිධත්වය වැනි එයාර්ටෙල් සමාගමට වැදගත් වන කුසලතා වෙනුවෙන් පෙනී සිටිමින් මෙම ව්‍යාපාරය සඳහා සම්පත් දායකත්වය ලබා දෙන youlead.lk/skills, වෙබ් අඩවිය රැකියා ස්ථානයේදී මෙම කුසලතාවන්ගේ ඇති වැදගත්කම සහ සාර්ථක වෘත්තීන්වලට මෙම කුසලතාවන්ගේ ඇති වැදගත්කම පෙන්වා දෙන වීඩියෝ මාලාවක් සහ එහි ප්‍රායෝගික ක්‍රියාකාරීත්වය ගැන වැඩිදුර අවබෝධයක් ලබා දීමට වෙබිනාර් කිහිපයක්ද පවත්වන ලදී.