හේමාස් රෝහල් සමූහය තෙවන වරටත් ACHSI ජාත්‍යන්තර ප්‍රමිතිකරණය හිමිකරගනී

සුවසේවා ප්‍රමිතීන් ජාත්‍යන්තර මට්ටමින් පවත්වාගැනීම සහ රෝගීන්ගේ ආරක්ෂාව වෙනුවෙන් වූ කැපවීම යළිත් ඇගයීමට ලක් වෙමින් හේමාස් රෝහල් සමූහය සුවසේවා ක්ෂේත්‍රයේ රන් මුද්‍රාව ලෙසින් සැලකෙන ඕස්ටේ්‍රලියානු සුවසේවා කවුන්සලයේ ජාත්‍යන්තර ප්‍රමිතිකරණය (ACHSI) අඛණ්ඩව තෙවැනි වරටත් හිමිකර ගැනීමට සමත්ව සිටී.

ලොව ප්‍රමුඛතම සුවසේවා ප්‍රමිතිකරණයක් වන මෙය වසර 4ක කාලයකට වලංගු වන අතර ACHSI ආයතනය විසින් දියත් කළ ඇගයුම් සහ තත්ත්වය වැඩිදියුණු කිරීම් පිළිබඳ 6 වැනි නවතම ඇගයුම් විගණනයට (EQuIP 6) අනුව 2024 වසර දක්වා හේමාස් රෝහල් සමූහයට ACHSI ජාත්‍යන්තර ප්‍රමිතිකරණය හිමි වනු ඇත. මීට අමතරව හේමාස් රෝහල් සමූහය විසින් ඉදිරිපත් කළ ‘ප්‍රමිතිකරණ පූර්ව ඇගයුම් වාර්තාව (Accreditation Pre-assessment Report Submission)’ද ගෝලීය සම්මානයට පාත්‍ර විය.

ඕස්ටේ්‍රලියානු සුවසේවා කවුන්සලයේ ජාත්‍යන්තර ප්‍රමිතිකරණ ( ACHSI ) ආයතනය විසින් දියත් කළ ඇගයුම් සහ තත්ත්වය වැඩිදියුණු කිරීම් පිළිබඳ විගණනයට සාර්ථකව මුහුණ දෙමින් ACHSI ජාත්‍යන්තර ප්‍රමිතිකරණය අඛණ්ඩව තෙවැනි වරටත් හිමිකර ගත් මෙරට එකම රෝහල් ජාලය බවට අභිශේක ගැන්විණි.