සියපත ෆිනෑන්ස් සාමාජිකයෝ දස්කම් දක්වති

ශ්‍රී ලංකා මූල්‍ය සමාගම් සංගමය (FHASL) විසින් ඔක්තෝබර් 19 වැනිදා කොළඹ බ්ලූම්ෆීල්ඞ් ක්‍රීඩා පිටියේදී සංවිධානය කළ “FHA Sports Fiesta” ක්‍රීඩා උළෙලේදී සියපත ෆිනෑන්ස් කාර්ය මණ්ඩලය ඉහළ පෙළ දක්ෂතා දක්වන්නට සමත්විය’ මෙවර “FHA Sports Fiesta” ක්‍රීඩා තරගාවලිය සංවිධානය වූයේ සියපත ෆිනෑන්ස් පීඑල්සීහි අනුග්‍රාහකත්වයෙනි. ශ්‍රී ලංකා මූල්‍ය සමාගම් සංගමය විසින් සිය සාමාජික සමාගම්වල සේවයෙහි නියුතු නිලධාරි මහත්ම මහත්මීන්ගේ කායික හා මානසික සුවතාව උදෙසා විනෝදාත්මක බවෙන් හා උද්‍යෝගයෙන් පිරිපුන්ව වාර්ෂිකව සංවිධානය කරනු ලබන මෙම “FHA Sports Fiesta” ක්‍රීඩා තරගාවලිය මෙවර HASL ක්‍රීඩා කමිටුවේ සභාපති මෙන්ම සියපත ෆිනෑන්ස් පීඑල්සීහි කළමනාකාර අධ්‍යක්ෂ ආනන්ද සෙනෙවිරත්න සහ FHASL සභාපති රොෂාන් අබේගුණවර්ධන යන මහත්වරුන්ගේ අධීක්ෂණයෙන් සංවිධානය කෙරිණි.
ක්‍රිකට්, රග්බි, මලල ක්‍රීඩා, වොලිබෝල්, දැල්පන්දු ක්‍රීඩාවන්ගෙන් උද්‍යෝගීමත් වූ “FHA Sports Fiesta” තරගාවලිය ත්‍්‍ය් රජු හා රැජින තේරීමේ තරගයෙන් වර්ණවත් විය. මෙවර FHA රජු සියපත ෆිනෑන්ස් වෙතින් තේරී පත්වූ අතර අනුශූරතාවද සියපත ෆිනෑන්ස් වෙත හිමිවීම කැපී පෙනෙන්නකි. කාන්තා ක්‍රිකට් තරගාවලියේ අනුශූරතාව සහ හොඳම කාන්තා ක්‍රිකට් ක්‍රීඩිකාවට හිමි කුසලානයද සියපත ෆිනෑන්ස් වෙත හිමිවිය.