ලග්න වාසනාවේ ජයග්‍රාහකයින්ට චෙක්පත් ලබාදෙයි

ලොතරැයි අතර වැඩිම ලක්ෂපතියන් සංඛ්‍යාවක් බිහිකරනු ලබන ලග්න වාසනාව ලොතරැයිපතෙන් බිහිවූ තවත් සුපිරි ජයග්‍රාහකයින් සිවු දෙනෙක් සඳහා අදාළ චෙක්පත් ලබාදීම සංවර්ධන ලොතරැයි මණ්ඩලයේ සහකාර සාමාන්‍යාධිකාරී සුනිල් ජයරත්න මහතා අතින් පසුගියදා සංවර්ධන ලොතරැයි මණ්ඩලයේදී සිදුවිය.

එහිදී 2020.08.28 දින පැවති ලග්න වාසනාව 2905 වන වාරයේ සුපිරි ජයමල්ල 20,00,000ක මුදල දිනාගත් දැඩිගමුව ප්‍රදේශයේ එච්.ඒ.එස්.ඩී. විජේරත්න මහතාට අදාළ චෙක්පත පිරිනැමීම එහිදී සිදුවූ අතර ලොතරැයිපත අලෙවි කළ කොළඹ අලෙවි නියෝජිත පී.වී.ඩී.ඩී. පරණවිතාන මහත්මියටද සහතිකපතක් සමගින් චෙක්පතක් හිමිවිය.
2020.09.01 දින පැවති ලග්න වාසනාව 2909 වන වාරයේ සුපිරි ජයමල්ල 25,37,963ක මුදල දිනාගත් ගිංතොට ප්‍රදේශයේ එම්.කේ.පී. සඳරුවන් මහතාටද අදාළ චෙක්පත පිරිනැමීම සිදුවූ අතර එම ලොතරැයිපත අලෙවි කළ කළුතර අලෙවි නියෝජිත ජී.පී. අනුර මහතාටද සහතිකපතක් සමගින් චෙක්පතක් හිමිවිය.

තවද 2020.09.05 දින පැවති ලග්න වාසනාව 2913 වන වාරයේ සුපිරි ජයමල්ල රු. 25,45,732, දිනාගත් දෙහිපේ ප්‍රදේශයේ කේ.එම්. වීරසිංහ මහතාටත් අදාළ චෙක්පත ලබාදුන් අතර එම ලොතරැයිපත අලෙවි කළ නුවරඑළිය අලෙවි නියෝජිත එච්.එම්. ප්‍රේමරත්න මහතාටත් සහතිකපතක් සමගින් චෙක්පතක් හිමිවිය.

එසේම 2020.09.09 දින ලග්න වාසනාව 2917 වන වාරයේ සුපිරි ජයමල්ල රු.25,13,934 දිනාගත් වැරැල්ලගම ආර්.පී.ජයතිලක මහතාටද අදාළ චෙක්පත ලබාදීම එහිදී සිදුවිය.