මහජන බැංකුව 60 වැනි සංවත්සරය සමරයි

මහජන බැංකුව ස්ථාපිත කර ජුලි 01 වැනි දිනට හැට වසරක් සැපිරිණි. රටේ පවතින කොවිඩ් වසංගත තත්ත්වය තුළ රජයේ සෞඛ්‍ය නිර්දේශවලට අනුකූලව මෙම දියමන්ති ජුබිලි සංවත්සර සැමරුම චාම් සහ අභිමානවත් අයුරින් පැවැත්විණි.

මේ අනුව රටට, ජනතාවට, ගනුදෙනුකාර භවතුන්ට මෙන්ම මහජන බැංකුව පිහිටුවීමේලා පුරෝගාමී වූ සියලු නායකයන්ට, අතීත සහ වත්මන් කාර්යමණ්ඩලයට ආශිර්වාද පතා සර්ව ආගමික වැඩසටහනක් මහජන බැංකුව ප්‍රධාන කාර්යාලයේදී පැවැත්වීමට මහජන බැංකු බෞද්ධ සංගමය, හින්දු සංගමය, මුස්ලිම් මජ්ලීසය හා කිතුනු එකතුව කටයුතු කරන ලදී.
මෙදින මහජන බැංකුවේ සභාපති සුජීව රාජපක්ෂ සහ ප්‍රධාන විධායක නිලධාරි / සාමාන්‍යාධිකාරි රංජිත් කොඩිතුවක්කු යන මහත්වරුන් කාර්යමණ්ඩලය ඇමතූ අතර, මූලස්ථාන ශාඛාවේ ස්ථාපිත කළ ඩිජිටල් චෙක්පත් තැන්පතු යන්ත්‍රය විවෘත කිරීමද සිදුකෙරිණි. මෙම අවස්ථාවට මහජන බැංකුවේ ආයතනික හා විධායක කළමනාකාරිත්වය, බැංකු කාර්ය මණ්ඩලය හා විශ්‍රාමික සේවක පිරිස්ද සහභාගි විය. එමෙන්ම මහජන බැංකුවේ 60 වැනි සංවත්සරය සමරමින් කොළඹ 02, නවලෝක රෝහල් පරිශ්‍රයේදී ස්වයං බැංකුකරණ ඒකකයක් විවෘත කෙරිණි. මෙම අවස්ථාවට නවලෝක හෝල්ඩින්ග්ස්හි සභාපති ජයන්ත ධර්මදාස මහතා ඇතු`ඵ නවලෝක හෝල්ඩින්ග්ස්හි නිලධාරිහු සහභාගී වූහ.