ආහාර සුරක්ෂිතතාව හා තත්ත්වය සහතික කිරීමට ෆොන්ටෙරා පෙරමුණ ගනී

2019 වසරේ ජුනි මාසයේදී මෙරට රජය විසින් ආහාර (පරිශ්‍ර ලියාපදිංචි කිරීමේ) රෙගුලාසි මාලාව ප්‍රකාශයට පත්කරන ලදී. මෙමගින් සියලුම ආකාරයේ ආහාර නිෂ්පාදනය, සකස් කිරීම, කල්තබා ගැනීම, ඇසුරුම් කිරීම, ගබඩා කිරීම සිදුකරන ස්ථාන සහ අලෙවි කරන ස්ථාන ලියාපදිංචි කිරීමේ ක්‍රියාපටිපාටියක් නියම කර තිබේ. මෙම රෙගුලාසිය 2020 ජුනි මස සිට බලාත්මක වනු ඇත. ISO 22000 හෝ ඊට ඉහළ මට්ටමේ ආහාර සුරක්ෂිතතා කළමනාකරණ සහතිකයක් හිමි සමාගම් සහ ආයතන මෙම රෙගුලාසිවලින් නිදහස් වේ.

මෙම තත්ත්වයට මුහුණදීමට සූදානමක් ලෙස ඇන්කර් සන්නාමය හිමි ෆොන්ටෙරා සමාගම තම ව්‍යාපාරික හවුල්කරුවන් වෙනුවෙන්, මෙරට මහජන සෞඛ්‍ය පරීක්ෂකවරුන්ගේ සංගමය සමඟ එක්ව පසුගිය මාස 6ක කාලය පුරා මෙම රෙගුලාසි සම්බන්ධ වැඩමුළු මාලාවක් පැවැත්වීමට කටයුතු කළේය. ඒ අනුව ආහාරපාන සම්බන්ධ ව්‍යාපාර හිමියන් සහ සූපවේදීන් 170කට අධික පිරිසක් නව රෙගුලාසි සම්බන්ධයෙන් දැනුවත් කරන ලද අතර, බලයලත් තොග නියෝජිතවරුන් 60 දෙනකුට අධික පිරිසක් සඳහා වෙනම වැඩමුළු මාලාවක්ද සංවිධානය කරන ලදී.