විවාහයේ පොරොන්දම් පරීක්ෂාව ඉතාමත් ඉහළින් සැලකීම ශ්රී ලාංකිකයන් වන අප විසින් සිදු කරනු ලබනවා. එහිදී ප්රධාන වශයෙන් විවාහස්ථානය වන හත්වැන්න සහ හත්වැන්න අධිපතීන් පිළිබඳ ඉතා ඉහළින් සලකා බලනු ලබනවා. එහිදී බොහෝ දෙනාගේ පිළිගැනීම ලෙස කුජ හත්වැන්නේ සිටීම පිළිබඳ විවිධ මතිමතාන්තර පිළිබඳ සොයා බලනවා ඇත්තෙන්ම කුජ හත්වැන්නට සුබද අසුබද යනවග සොයාබැලිය යුතුමයි. කුජ ග්රහයා ඇත්තෙන්ම පාපියකු වශයෙන් සලකා බැලුවද කුජ ආදී පාපීන් හත්වැන්නට උප්පත්ති කේන්දරය අනුව කෙසේ බලපාවිද යන්න ඇත්තෙන්ම ගැටලුවකි. ඒ පිළිබඳ එක් එක් ලග්නයන්ට අනුව සලකා බැලිය යුතුම කාරණාවකි.Sri Lanka Latest News
එම නිසා අපි රාශි දොළොස අනුව ලග්න භාවවලින් උපන් අයගේ හත් වැන්න කිනම් රාශියකට පත්ව කිනම් ප්රතිඵල ලබාදේ දැයි මේ ලිපියෙන් විග්රහ කරමු.
විවාහය පිළිබඳ පොරොන්දම් පරීක්ෂාව ඉතා වැදගත් කරුණකි. අප හැම වැඩි සැලකිල්ලක් ගත යුත්තේ හත්වැන්න කෙරෙහිය. එසේම පාඨකයාද හත්වැන්න කෙරෙහි වැඩි සැලකිල්ලක් දක්වන බවට අපට විවිධ හේතූන් මත පෙනීගොස් ඇත. එනම් කුජ ආදී පාපීන් හත්වැන්නට පත්වීම ආදී කරුණු අනුව විවාහ ගිවිස ගැනීමට බියවීම බව පෙනීයයි. එම නිසා අපි රාශි දොළොස අනුව ඒ ඒ ලග්න භාවවලින් උපන් අයගේ හවැන්න කිනම් රාශියකට පත්ව කුමන ප්රතිඵලයක් ලබාදේදැයි මේ ලිපියෙන් විමසා බලමු.
දොළොස් රාශි අතුරින් ප්රථම රාශිය වන මේෂ ලග්නකරුගේ හත්වැන්න තුලා රාශිය වෙයි. මෙහි කුජගේ පිහිටීම ඉතා යහපත් වේ. එනම් අටවැන්න වෘශ්චිකය වීමත් අටවැන්න අධිපති හා ලග්නාධිපති වීමත් අනුවය. මෙවැන්නෝ විවිධ දුෂ්කර කටයුත්තේ දක්ෂය. එසේම ව්යාපාර කටයුතුවලින් උසස් ප්රතිඵල ලබාගනී. රාගාධික හැඟීම් අධික නමුත් සුබ දෘෂ්ටි ලබා සිටියොත් විවාහය ඉතාම සාර්ථක වෙයි. සිත ඉතා දැඩි පුද්ගලයන් වෙයි.
වෘෂභ ලග්නයෙන් උපන් අයගේ හත්වැන්න වෘශ්චිකය වෙයි. අඟහරු ග්රහයා හත්වැන්න එනම් කේන්ද්රස්ථානයක සිටීම ප්රබල රුචක යෝගය උදාකිරීමකි. මේ අයගේ යුගදිවිය අසාර්ථක නොවේ. හොඳ දේපළ ලැබීමකි. ආර්ථික දුෂ්කරතා ඇති නොවේ. රාගාධික නමුත් පහත් ක්රියා නොකරයි. ස්ත්රීන්ට තදින් ආදරය කරයි. බසට අවනත වෙයි. දරු ඵල අධිකය. එසේම රටට වැඩදායක දරුවන් ලබයි. දැඩි තීරණ ගන්නා මේ අය සමාජයේ කැපීපෙනෙනා උසස් ම තැනක් ලබාගනී. විවාහය ඉතා වාසනාවන්තය. ඉදිරියදි කුජගෙන් උදාවන රුචක යෝගය පිළිබඳ වැඩි විස්තරයක් රැගෙන එන්න බලාපොරොත්තු වෙමි.
මිථුන රාශිකරුගේ හත්වැන්න වන්නේ පාපී ගුරුට හිමි ධනු රාශියයි. අඟහරු පිහිටීම සමපල ප්රදානය කරන්නෙකි. යුග දිවියෙන් පසුව සාමකාමී තැන්පත් පුද්ගලයෙකු කරයි. නමුදු තරුණ කාලය තුළ නොගැළපෙන සබඳතා කිහිපයක් ඇති වීමේ ඉඩකඩ වැඩිය. වැඩිහිටියන් වීම්ත් සමග පරිණත වීමට පටන් ගනී. විවාහයෙන් හොඳ ප්රතිඵල ලැබේ. භාර්යාව ඥානාන්විතය. පිනට දහමට ළැදිය. දෙදෙනාම උපන් ප්රදේශය වෙනස් කර ජීවත්වෙයි. දේපළ වුවත් හිමිවන්නේ පිට ප්රදේශවලින්ය. වාසය ස්ථිරය.
කටක රාශි අයගේ හත්වැන්න වන්නේ ශනි හිමි මකරයයි. එහි කුජ පිහිටීම බාල කාලයේම යුග දිවියට පිවිසීමකි. එසේම නොගැළපෙන පෙම් සබඳකම් ඇති කරගනියි. මුලදි මුලදී කාමාසාවලින් හරිත වුවද ක්රම ක්රමයෙන් එය මග හැරී වාසනාවන්ත යුග දිවියකට යොමුවේ. මවට ඇලුම් කරයි. වාසය පිට ප්රදේශවලය. දරුඵල ඉතා අල්පය. නමුත් වාසනාවන්ත දරුවන් ලබයි. එමෙන්ම කටක ලග්න ගිමි කාන්තාවන්ට පුන් පයෝධර යුග්මයක් හිමි වේ. මෙය විවාහ දෝෂයක් බැවින් ඉතා කල්පනා කාරීවී විවාහය සිදුකළ යුතුය.
සිංහ ලග්නයෙන් උපන් අයගේ හත්වැන්න කුජ පිහිටීම ඉතා හොඳය. ප්රේම සම්බන්ධතාව ස්ථිරය. අවංක සත්යගරුක කෙනෙක් හෝ තැනැත්තියක කරයි. ග්රහයා කෙරෙන් ඉතාම හොඳ සුබ දෘෂ්ටියක් ලැබුවහොත් ජීවිත බොහෝ දුරට සාර්ථක වේ. රැකී රක්ෂා ලබයි. ධනයට හොඳ . නමුත් ශනි සඳු කෙරෙන් අසුබ දෘෂ්ටි ලැබුව හොත් සුබ පල නැසීයයි. විවාහය ටිකක් ප්රමාද කරයි. අපල කිරීම්වලින් මුළා විය හැක. එනම් විවිධ අයවරුන් සමග කරන පෙම් සබඳතා නිසා විවාහ කිහිපයක්ද සිදුවිය හැක. එමෙන්ම එමගින් ශනි මංගල දෝෂය ඇති කරයි. සිංහ ලග්නයේ කුජ අට වැන්නේ පිහිටීමද එතරම් යහපත් පිහිටීමක් නොවේ. විවාහය දෙකඩ වීමද සිදුවිය හැකිය.
කන්යා ලග්නකරුවන්ගේ හත්වැන්නේ කුජ පිහිටීම අහිතකර නැතත් ස්වාමියාට තරමක් දුරට අපල පෙන්වයි. එයට හේතුව මධ්යස්ථ කාම ශක්තියෙන් යුක්ත වීමය. අසුබ හෙවත් සඳු හෝ ගුරු කෙරෙන් දෘෂ්ටි ලදොත් විවාහය දෙදරා යාමටද ඉඩ තිබේ. එසේ නැතහොත් තරමක් දුරට හෝ සාමකාමීත්වයක් ඇතිවෙයි. කිවි කෙරෙන් සුඛයක් ලදහොත් ඉතාම හොඳය. එමෙන්ම කුජ සමග සිකුරු සංයෝගව සිටියොත් අනියම් සබඳතා ඇතිවීමේ ඉඩකඩ වැඩිය අධික කාම ආශා ඇත්තෙක් වෙයි.
තුලා ලග්නකරුගේ හත්වැන්නේ කුජ සිටීම ඉතාම හොඳය. එනම් එම භාවය මේෂ රාශිය වී රුචක යෝගය උදාවීමත් හා ලග්නයට සුබ ග්රහයෙකු වීමත්ය. මේ අයට උසස් ගණයේ අදහස් උදහස් ඇති කරයි. සුබ දෘෂ්ටි ලැබූ තරමට යහපත් වේ. අලුතින් දෑ නිමාණය කිරීමට උපන් හපනුන් වෙයි. එසේ නැතුව රවි සඳු ගුරු වැනි පාපීන් දකී නම් සමගිය දෙදරා ගොස් අසමගිය ඇති වීමත් ඒ හේතුව නිසා විවිධ කරදර ඇති වීමත් පෙන්වයි.
වෘශ්චික ලග්නකරුගේ හත්වැන්නේ වන්නේ කිවි හිමි වෘෂභ රාශියයි. කුජ සිටීම ඉතාම කඩිනම් විවාහයකට ඇතුළත් කරන්නා වූ පිහිටීමකි. එසේ නොවුණහොත් චරිතය කුඩා කලම කෙළෙසා ගනී. අයථා ක්රම අයථා පෙම් සබඳතා ඇති කරගනියි. එසේම මෙම නොමනා ක්රියා කලාප නිසා යුග දිවිය අසාර්ථක වේ. බොහෝ කාම අධික වේ. ඒවා තෘප්තිමත් කිරීමට ඔනෑම ක්රියාවක නිරත වේ. අශුභ ග්රහ දෘෂ්ටි ඇති උවහොත් මෙම ගතිගුණ වැඩි වේ. ගුරු හෝ සඳු දෘෂ්ටි ලදොත් තරමක් දුරට ඇයට හෝ ඔහුට සුඛයන් සලසයි.
ධනු ලග්නකරුගේ හත්වැන්න මිථුනයට පත්ව කුජ යෙදීම ශුභ නැත. පෙම් සබඳතා කිහිපයක් ඇති වේ. එසේම අදහස් උදහස් වෙනස් කරන්නෝ වෙයි. දැඩි තීන්දු තීරණ ගැනීමට අපහසු වෙයි. එමෙන්ම විවාහ ජීවිතය දෙදරා යාමට කරුණු කාරණා යෙදේ. පොරොන්දම් පරීක්ෂාවකින්ම විවාහ වීම ශුභ වේ.
මකර ලග්නයේ කුජ යෙදීමද එසේම වෙයි. යුග දිවිය එතරම් සාර්ථක නැත. අසමගිකම් බොහෝ දුරට බලපායි. නිතර නිතර කරදර ඇති කර ගනී. නමුත් බුධ කිවි හෝ ශනි වැනි සුඛයන් දුටොත් ඉහත කී අසුබ තරමක් දුරට මගහැරී යයි.
කුම්භයේ හත්වැන්නේ කුජ යෙදී නම් අසුබ නැත. හොඳ පිහිටීමකි. සැමියා බිරිඳටත් බිරිඳ සැමියාටත් දැඩි ඇල්මක් ආදරයක් දක්වයි. නිතර විනෝද වේ. ප්රියමනාප දේ කතාකරයි. අවංක නිහතමානී අය වෙයි. දේපළ ලබයි. විනෝදයට බර පුද්ගලයන් වේ. සතුටින් කාලය ගතකිරීමට වැඩි රුචියක් දක්වයි.
මීනයේ හත්වැන්න කුජ යෙදීම හොඳ පිහිටීමක් නොවෙයි. නොගැළපෙන අය සමග රහස් ඇසුරුකම් පවත්වයි. කපටි අය වේ. විශ්වාසය තැබීමට නොහැක. විවාහය ප්රමාද කරයි. බහු විවාහ ඇති වේ. නමුත් මෙම ලග්නකරුගේ සිකුරු බලවත් නම් දෝෂ නොයෙදේ. සඳු පෙනීම ඉතාම යහපත්ය. සඳු ලග්නයට පත්ව යෙදී ඇතොත් වන්ද්ර මංගල නම් රාජයෝගයද යෙදේ. එය ධනවත් වීමට හොඳ පිහිටීමකි. යුග දිවිය ද ඉතා සාර්ථක වේ.
තවද ඔබට අවශ්ය ජ්යොතිෂය දැනුම ලබාගැනීමට chiranjeewani astrology youtube නාලිකාවද chiranjeewani astrology ෆේස්බුක් හා ටික්ටොක් නාලිකාවද අනුගමනය කරන්න. ඉදිරියේදී ඔබට දැනගැනීමට අවශ්ය ජ්යොතිෂයමය ගැටලු පවතිනවා නම් අපි ලිපි මාර්ගයෙන් ඔබට එයට පිළිතුරු ලබාදීමට කැමැත්තෙන් සිටිමු. ඒ සඳහා ඔබගේ ජ්යොතිෂමය ගැටලු චිරංජීව ඇස්ට්රොලොජි ෆේස්බුක් නාලිකාව හෝ පහත සඳහන් අපගේ දුරකතනයට කෙටි පණිවුඩයක් යොමුකිරීම මගින් ඔබගේ ගැටලු අප වෙත යොමුකිරීම සිදුකරගත හැකියි.
මිහිරාජ් සිසිල – ශාස්ත්රවේදී (ගෞරව)
