අපේ සමාජය ඉදිරියේ අපි පෙන්වන චරිතයට වඩා හාත්පසින්ම වෙනස්, ගැඹුරු සහ සංවේදී චරිතයක් අප සැම තුළම සැඟවී තිබේ. බොහෝ දෙනෙක් ලග්න පලාපල කියවූවත්, තම ලග්නයට අදාළව සැබෑවටම සැඟවී ඇති මනෝවිද්යාත්මක ලක්ෂණ හඳුනා ගන්නේ කලාතුරකිනි. අද අපි කතා කරන්නේ ඔබේ ලග්නයට අනුව ඔබවත් නොදන්නා, නමුත් අකුරටම නිවැරදි වන ඒ අමුතුම රහස් කිහිපය පිළිබඳවයි.Sri Lanka Latest News
මේෂ – කේන්තිකාර සංවේදී හිතක්
මේෂ ලග්න හිමියන් දඩබ්බර, ඉක්මනින් කේන්ති යන පිරිසක් ලෙස ලෝකයා හැඳින්වූවත්, ඔවුන්ගේ ඇතුළාන්තය හරිම සංවේදීය. ඔවුන් සැමවිටම පෙරමුණ ගැනීමට උත්සාහ කරන්නේ අහංකාරකමට නොව, තමන්ව ප්රතික්ෂේප වේ යැයි ඇති බිය නිසාය. පිටතට ශක්තිමත්ව පෙනී සිටියද, තනි වූ මොහොතක මොවුන් ඉතා කුඩා දේට පවා සංවේදී වන ”බබාලා” වැනි පිරිසකි.
වෘෂභ – නොසැලෙන රන් හදවතක්
මුරණ්ඩුකම වෘෂභයන්ගේ ලාංඡනය වුවද, ඒ මුරණ්ඩුකම පිටුපස ඇත්තේ තමන් ආදරය කරන අයව ආරක්ෂා කර ගැනීමේ දැඩි වුවමනාවයි. මුදල් වලට ලෝභ යැයි ලේබල් වැදුණත්, හිත ගිය කෙනෙකු වෙනුවෙන් සතු සියල්ල පරිත්යාග කිරීමට මොවුන් පසුබට නොවේ. කම්මැළි යැයි සිතුවත්, ඉලක්කයක් හමුවේ ඔවුන් මාරාන්තික ලෙස වෙහෙස මහන්සි වී වැඩ කරන්නන් වේ.
මිථුන – විවිධත්වයෙන් පිරි ද්විත්ව පෞරුෂය
මිථුන ලග්න හිමියන්ට ”මුහුණු දෙකක්” ඇතැයි සමාජය චෝදනා කරයි. නමුත් සැබෑ රහස නම් ඔවුන්ගේ මනස තුළ එකවර අදහස් දහස් ගණනක් ක්රියාත්මක වීමයි. ලෝකයා ඉදිරියේ සිනහවෙන් සිටියද, තනි වූ කල ඔවුන් අඳුරු සහ ගැඹුරු සිතිවිලි සමුදායක අතරමං වේ. ඔවුන්ගේ ද්විත්ව ස්වභාවය වංචාවක් නොව, ලෝකය දෙස බලන විවිධ කෝණයන්ය.
කටක – පිටින් සැර වුණාට ඇතුළතින් හරිම මෘදුයි
හැඟීම්වල රජවරුන් වන කටක ලග්න හිමියන්ගේ ලොකුම රහස නම් ඔවුන් සතු අසීමිත මතක ශක්තියයි. වසර ගණනාවකට පෙර කළ සුළු අමනාපයක් පවා ඔවුන්ට අද මෙන් මතකය. ඔවුන් තමන්ගේ පෞද්ගලික ජීවිතය රහසක් ලෙස තබා ගැනීමට ප්රිය කරයි. නමුත් වරක් ඔවුන්ගේ ආදරය දිනාගතහොත්, ඔවුන් තරම් පරිත්යාගශීලී වෙනත් අයෙකු සොයාගත නොහැක.
සිංහ – කැපී පෙනෙන්නට වෙහෙසෙන සටන්කාමීයෙක්
සිංහයන් සැමවිටම සභාවේ කැපී පෙනෙන චරිතය වීමට උත්සාහ කරන්නේ අගය කිරීමට ඇති දැඩි පිපාසය නිසාය. තමන්ව නොසලකා හරිනු ඇතැයි යන බිය ඔවුන් තුළ නිරන්තරයෙන් පවතී. සිංහයෙකු සේ ගර්ජනා කළද, ආදරය හමුවේ ඔවුන් ඉතාමත් හුරතල් සහ අවංක පිරිසකි. තම සහකරු වෙනුවෙන් ඕනෑම සටනකට ඔවුන් සූදානම්ය.
කන්යා – පිරිපුන් බව සොයා යන කැලඹුණු සිත
සියල්ල අකුරටම තිබිය යුතු බව පවසන කන්යා ලග්න හිමියන්ගේ පිළිවෙළ පිටුපස ඇත්තේ ලොකු ආත්මීය අරගලයකි. ඔවුන් නිරන්තරයෙන් තමන් ගැනම විවේචනාත්මකව බලයි. කන්යාවන්ගේ සැබෑ රහස නම් විශ්වාසවන්තකමයි. ඕනෑම රහසක් මිනීවළට යන තුරුම රකින හොඳම මිතුරන් වන්නේ මොවුන්ය.
තුලා – තමන්ව කැප කරන සාමදූතයා
සාමය වෙනුවෙන් ඕනෑම කැප කිරීමක් කරන තුලා ලග්න හිමියන් බොහෝ විට තීරණ ගැනීමට අපහසුතාවයකින් පෙළෙයි. ඒ අන් අයට අසාධාරණයක් වේ යැයි ඇති බිය නිසාය. තමන්ට ලැබෙන දේ අඩු වුවත් අන් අයට සමව ලැබිය යුතු යැයි සිතන මොවුන්, කලබලකාරී ලෝකය තුළ නිශ්ශබ්දව සාමය සොයන්නන් වේ.
වෘශ්චික – අබිරහස්වල රජා
ලග්න දොළසෙන් තේරුම් ගැනීමට අපහසුම පිරිස මොවුන්ය. වෘශ්චික ලග්න හිමියෙකු නිහඬව සිටිනවා යනු ඔවුන් ඔබේ මුළු ජීවිතයම ”ස්කෑන්” කරමින් සිටිනවා යන්නයි. ඔවුන් පළිගන්නේ නැත; කරන්නේ තමන්ට වංචා කළ අයව මාස්ටර් ප්ලෑන් එකක් මගින් ජීවිතයෙන් සදහටම කපා හැරීමයි.
ධනු – නිදහස පතන ගැඹුරු දාර්ශනිකයා
විනෝදකාමී සහ සංචාරයට ප්රිය ධනු ලග්න හිමියන් බැඳීම්වලට බය බවක් පෙන්වුවද, ඇත්තෙන්ම ඔවුන් බිය වන්නේ තමන්ගේ අනන්යතාවය නැති වෙයි කියාය. මොන තරම් ප්රශ්න ආවත් සිනහවෙන් සිටීමට හැකි පුදුම ”පවර්” එකක් මොවුන් සතුය. නිදහස ලබා දෙන්නේ නම් ඔවුන් තරම් අවංක සහකරු හෝ සහකාරියක තවත් නැත.
මකර – වයසට ගියත් තරුණවන වැඩකාරයා”
බැරෑරුම්, ගල් හදවතක් ඇති අය ලෙස පෙනුණද, මකර ලග්න හිමියන් යනු තම සමීපතමයින් ඉදිරියේ පමණක් හාස්යය මුදාහරින පිරිසකි. වයසට යත්ම තරුණ වන සහ ජීවිතය විඳින්නට පටන් ගන්නා එකම ලග්නය මකර ලග්නයයි. ඉලක්ක වෙනුවෙන් ඔවුන් කරන කැපකිරීම අසමසම වේ.
කුම්භ – අනාගතයෙන් පැමිණි නිදහස් චින්තකයා
කුම්භ ලග්න හිමියන් ලෝකය දකින්නේ අමුතුම කෝණයකිනි. ඔවුන් සමූහයන්ට ආදරය කළද, පුද්ගලික මට්ටමින් තනිව සිටීමට කැමැත්තක් දක්වයි. කිසිවෙකු විනිශ්චය නොකරන, ඕනෑම රහසක් පැවසීමට හැකි හොඳම සවන් දෙන්නන් වන්නේ මොවුන්ය. ඔවුන් සැමවිටම ජීවත් වන්නේ වර්තමානයට වඩා අනාගත අදහස් සමඟිනි.
මීන – හීන ලෝකයේ අතරමං වූ ඉවක් ඇති මිනිසුන්
ඉතාමත් අහිංසක සහ අනුන්ගේ දුකේදී උණුවන හදවතක් මීන ලග්න හිමියන්ට ඇත. ඔවුන්ගේ සැබෑ රහස වන්නේ උපතින්ම හිමි වන පුදුමසහගත ”ඉවයි”. යමක් වීමට පෙර එය කලින් දැනීමේ හැකියාව ඔවුන්ට ඇත. එබැවින් මීන ලග්න හිමියෙකු යම් දෙයක් ගැන දෙන අවවාදය 99% ක්ම නිවැරදි වීමට ඉඩ ඇත.
ජ්යොතිෂවේදී ඔස්මන් පෙරේරා
