හස්ත රේඛා ශාස්ත්රය සත්ය විද්යාවකි. මෙම ශාස්ත්රයද ස්වභාවධර්මය හා සම්බන්ධ වන විද්යාවක් ලෙස හඳුන්වා දිය හැකි බව ගැඹුරින් බලන කල අපට සිතේ. හිරු, සඳු මිනිසාට, මිනිසාගේ ශරීරයට සිතුවිලිවලට ඍජුවම බලපානු ඇත. එසේම හිරු, සඳු දෙදෙනාගේ ප්රමුඛත්වයෙන් සිදුවන දේශගුණික, කාලගුණික විපර්යාසයන්ද මිනිසාට බලපායි. ඒ ආකාරයටම විශ්වයේ ග්රහ වස්තූන් සියල්ලමද මෙවැනි කාලගුණික දේශගුණික විපර්යාසයන්ට යටත්ව ඒකාබද්ධවී පවතී.
අත්ල හා ඇඟිලි පිළිබඳ අප මුලින්ම විමසා බලමු. හස්ත රේඛා විද්යාව අනුව ඇඟිලි කොටස් 4කි.
- සිනිඳු ඇඟිලි
- මිටි ඇඟිලි
- දිගු ඇඟිලි
- ගැටිති ඇඟිලි ආදී වශයෙනි.
මීට අමතරව පළල් ඇඟිලි, පැතලි ඇඟිලි, පුරුක් දිග ඇඟිලි, මධ්යම ප්රමාණයේ ඇඟිලි වශයෙන් තවත් බොහෝ ඇත.
සිනිඳු ඇඟිලි
මෙම ඇඟිලි ඇත්තාට හෝ ඇත්තීට කලාකාමී අදහස් ඇත. හිත හොඳ අයෙකි. ඊර්ෂ්යා, වෛර, ක්රෝධ සැරපරුෂකම් නැත. සාමයෙන් තම ව්යාපාරය දියුණු කරගනිමින් කාලය ගෙවයි. තවත් කෙනකුගේ දියුණුවට අතහිත දෙයි. හොඳ ව්යාපාරිකයෙකි. ව්යාපාර ස්වෝත්සාහයෙන් දියුණු කරගෙන රථවාහන මිලදී ගනී.
කිසිදු විෂයක් පිළිබඳ කල්තියා හිතන්නේ නැත. ක්ෂණික තීරණ ගනී. ඒවායින් ජය අත්වේ. මොවුන්ගේ මිත්රශීලී බවක් දක්නට නැත. මිතුරන් සීමාසහිතව ඇසුරු කරයි. සෑම මොහොතකම උත්සාහයෙන් කටයුතු කරයි. සිනිඳු ඇඟිලි හිමි අය නිතරම පරාජය වේ යැයි සිතෙන්නේ දිනන්නට බැරි බවක් හිතේ පැලපදියම් වී ඇති නිසාය. ආදරය සම්බන්ධ ගැටලුවලදී මනසිත් සිතා කටයුතු කරයි. වැඩකදී කිසිවකුට සවන් නොදෙයි
මිටි ඇඟිලි
ආදර සබඳතාවලදී ඇති අහංකාරකම උද්ධච්චකම ආදී ගතිගුණයන් නිසාද, කතාව නිසාද ඒවා අත්හැරේ. පිරිමියෙක් නම් බිරියට කරදර කරමින් ජීවත් වේ. දරුවන් අඩුය. දරුවන්ට අධ්යාපනය ලබාදීම හා සැලකීමත් නොකරයි. පිට අයගේ උපකාර මත ලැබෙන දරුවන් ඉගෙන ගෙන පියාට සලකයි. දරුවන්ට බිරියට බැණවදී. බැරිම තැන බිරිය මොහු අතහැර යයි. ආදර සම්බන්ධතා පලුදු කරගනී.
දිග ඇඟිලි
ශක්තිමත් මතක ශක්තියකින් යුත් දිග ඇඟිලි ඇත්තන් පින්වන්තයි. කරන ක්රියාව හරියටම කරයි. යහපත් ගෘහ ජීවිතයක් ගතකරයි. ස්ත්රියක් නම් පින්වන්ත සැමියකු ලබා, පුරුෂයකු නම් පින්වන්ත බිරියක් ලබා විවාහය සාර්ථක කරගනී. යමක් කිරීමේදී තවත් අයගේ මතයටද සවන් දෙයි. නිතරම තමන්ට වාසිදායක කොටසක්ද ඉතිරි කරගනී. නිරතුරුවම ලස්සනට අඳින්නට, පලඳින්නට කැමැතිය. ඒවාට මිල මුදල් නිර්ලෝභීව වියදම් කරයි. ඇඳුම් පැලඳුම් බොහෝ ඇත.
ගැටිති ඇඟිලි
ඉතා අවංක, තණ්හා ආශාවලින් තරමක් මිදුණු කෙනෙකි. කඩිසරව වැඩ කරයි. තමාගේ වැඩ අතහැර අනුන්ට උපකාර කරයි. යුක්තියට වැඩ කරන අයුක්තිය පෙන්වන්නට බැරි ක්ෂණික කේන්තිකාරයෙකි. සමහර විට ඉතා ඉවසිලිවන්තව කටයුතු කරයි. එකට එක කියන සැරපුරුෂ බිරියක් ලැබුණොත් විවාහ දිවිය අවුල් වියවුල් වේ. ඒ, යුක්තියට වැඩ කරන නිසාය. නුවණ වඩන පොත් නිතර කියවයි.
පැතලි ඇඟිලි
මෙම පැතලි ඇඟිලිවලින් යුත් අය යහපත් පුද්ගලයන්ය. ඉතා සිහි නුවණින් කටයුතු කරයි. වැඩ වරද්දාගන්නේ නැත. සතුටින් ජීවිතය ගෙන යයි. ධනය ධාර්මිකව උපයා සපයා ගනී. කලකදී විශාල ව්යාපාර සංයුතියක් ඇතිවේ. නිහතමානී බව නිතරම අගයයි.
පුරුක් දිග ඇඟිලි
කුඩා කල සිට හොඳ අධ්යාපනයක් ලබා උසස් අධ්යාපනයක නිරතවී හොඳ රැකියාවක් හෝ රැකියා කිහිපයක් කිරීමේ භාග්ය උදාවේ. නිතරම කොන්දේ අමාරුවලින් පීඩා විඳී.
