ඕනෑම අවුරුද්දක ජනවාරි මස උපන් ඔබට ඉදිරි සතිය (ජන. 26 සිට ජන. 31 දක්වා කාලය) කෙසේ ගතවේද යන්න අපි නාඩි ජ්යොතිෂයට අනුව සලකා බලමු.
සෙනසුරු ග්රහයා මුල්කරගෙන ආරම්භ කරන මෙම සතිය රාහු ග්රහයාගෙන් අවසන් වේ. මෙය ඔබට තරමක පීඩාකාරී ස්වභාවයක් මතුකිරීමට ඉඩ ඇති නමුත් නුවණ මෙහෙයවා ආධ්යාත්මික ගුණ වර්ධනය කරගනිමින් කටයුතු කළහොත් ඔබට මෙම සතිය සාර්ථක කරගැනීමේ හැකියාව පවතී.Sri Lanka Latest News
ආරම්භක තත්ත්වය සැලකීමේදී මුදල් ලැබීමට වඩා වියදම් පාර්ශ්වය ඉහළ යා හැකිය. නමුත් සතියේ මැද සහ අග භාගයේදී නොසිතූ ලෙස මුදල් ලැබීමක් සිදුවීමට ඉඩ ඇත. ලොතරැයි වාසනා ආදිය උරගා බැලීමට මෙම කාලසීමාව යෝග්ය වේ. මූල්ය විනය හා කළමනාකරණය ගැන වැඩි අවධානයක් යොමුකළ යුතු වේ.
ගෘහ ජීවිතය තුළ සාමකාමී පරිසරයක් ගොඩනැගෙනවා මෙන්ම සියලු දෙනාගේ සහභාගිත්වයෙන් සිදුකෙරෙන පොදු කටයුතු සඳහා අවස්ථාවන් සැලසේ. හුදෙක් ඒවා තම ආධ්යාත්මය උදෙසා යෙදවීමට වැඩි ඉඩකඩක් පවතී. ආගමික කටයුතුවලට නැඹුරුවී කටයුතු කිරීම මගින් මෙම සතිය ඉතා යහපත්ව ගතකිරීමට වාසනාව සැලසේ. මවුපියන් කෙරෙහි දරුවන්ගේ ආදරය ලැබේ. උදව් උපකාර ලැබේ. ඒවා සතුටින් භාරගැනීමට වගබලා ගන්න.
අධ්යාපනය සැලකුවහොත් ගැඹුරු ශිල්ප ඥාන හා ගුප්ත විද්යාවන් හදාරන අයට ඉතා ශුභ කාලයකි. ඒවා නොසිතූ ලෙස අවබෝධ වීමට පටන් ගන්නා සතියකි. එසේම පාසල් අධ්යාපනය හදාරන දරුවන්ට අධ්යාපනයට වඩා බාහිර ක්රියාකාරකම් කෙරෙහි මනස මෙහෙයවන සතියකි. එය තරමක අධ්යාපනයට බාධා ඇතිකරන තත්ත්වයක් වුවද එය ඉක්මනින්ම පහව යයි.
රැකී රක්ෂා ආදියෙහි නිරත වන මෙම ජනවාරි උපන් අයට ඒවා සඳහා යම් අලස ස්වභාවයක් හටගනී. මේ නිසා එදිනෙදා රාජකාරි අතපසු වීමටත්, ප්රධානීන්ගෙන් දෝෂාරෝපණයන් ඇසීමටත් සිදුවිය හැකි බැවින් ප්රවේශමෙන් කටයුතු කරන්න.
සෞඛ්ය තත්ත්වය එතරම් අයහපත් නොවුණද මනස තුළ ඇති අලස හැඟීම් නිසා ශරීරයටද විඩාව, මහන්සිය දැනීමට ඉඩකඩ පවතී. එය හුදෙක් කායික රෝගයන් නිසා හටගන්නක් නොවේ. මීට අමතරව ඉරුවාරදය වැනි රෝග පීඩාවන්ගෙන් පීඩා විඳින ජනවාරි උපන් අයට නම් තම රෝගී තත්තවය උත්සන්න වීමට ඉඩකඩ පවතී.
යම්තාක් දුරට පීඩාකාරී සතියක් වුවද මානසික සමබරතාව පවත්වා ගනිමින් ආගම දහමට නැඹුරුව කටයුතු කිරීම තුළින් ඔබට මෙම සතිය ජයගත හැකිය.
මනෝලි බණ්ඩාර
නාඩි ජ්යොතිෂවේදිනී
0779834889
