සැමියා දෙවියකු කරන බිරිඳ

විවාහයේදී මුලින්ම පරීක්‍ෂාකර බැලිය යුත්තේ කේන්දරයේ ග්‍රහයන්ගේ හැසිරීම පිළිබඳවයි. වාසනාවන්ත ග්‍රහ ශක්තියෙන් ඉහළ තලයේ සිටින කාන්තාවක් සමඟ යුගදිවියට ඇතුළත් වීමෙන් සාර්ථකව විවාහයක් ගෙන යෑමට හැකි වෙයි.

බැඳලා කෙටි කලක් යන කොටම දෙකොන විලක්කුව බැඳගත්තා වගේ වුණොත් වන්නේ කුමක්ද කියා අමුතුවෙන් කියන්ඩ ඕනෑ නැහැ.

සියලුම සැප සම්පත්වලින් යුතුව සිටි සමහර පිරිමි විවාහ වුණාට පස්සෙ වෙන්ඩ තියෙන සියලුම දේවෙලා කරකියාගත කිසිවක්ම නොමැතිව ජීවිතය පාවෙන තත්ත්වයට පත්වෙච්ච අය කොපමණ දැක ඇද්ද?

ඉතාම දියුණු තත්ත්වයේ සිටි එක්තරා තරුණ වෙළෙඳ ව්‍යාපාරික මහතෙක් අද වෙනකොට යන එන මං නැතුව සිටී. එයාගේ කේන්දරේ ග්‍රහ හැසිරීම යහපත්ය. දැන් තියෙන දේ අවුල් නිසා බිරියගේ ජන්ම පත්‍රය පරීක්‍ෂා කර බලන විටදී සැමියාගේ සම්පත් විනාශ වෙන ක්‍රමයක් ඇගේ කේන්දරය ඇතුළත සැඟවී ඇති බැව් පැහැදිලි විය.

මෙය උභතෝකෝටික ප්‍රශ්නයක් වුවද ව්‍යාපාරික මහතා තම බිරිඳට අවංකවම, තදින්ම ආදරය කරන කෙනෙකි. බිරිඳ නැතිව ඔහු එක් දිනක්වත් ජීවිතය නොගෙවන බවද පැහැදිලිවම දැනගතිමි.

බිරිඳගේ කේන්දරයේ ග්‍රහ පිහිටීම අසුබ යැයි පැවසුවහොත් කිසියම් ප්‍රශ්නයක්ද පැන නැඟීමට බැරි නැත.

ව්‍යාපාරික මහතා කේන්දර ගැන එතරම්ම විශ්වාසයක්ද නැත. ඔහුට ජ්‍යොතිෂ විiාත්මක පැත්තෙන් කරුණු අවබෝධ කිරීමද අපහසුය. නමුත් ඔහු දැන හෝ නොදැන අද වන විට ඔහුගේ ව්‍යාපාරික ලෝකය ඇදවැටී තිබේ.

අපි දැන් මේ ගැන කාන්තා කේන්දරයක ග්‍රහ හැසිරීම පිළිබඳව විමසා බලමු. මකර ලග්නය 7 වැන්නේ කුජ, ශුක්‍ර, රාහු, රවි ඇති සඳු ලග්නගතව ඇත්තේය. විවාහයේ ඇතුල් පැත්ත සම්පූර්ණයෙන්ම කඩාබිඳ වැටෙන තත්ත්වයක තිබේ. සැමියාට ඔරොත්තු නොදෙන අති කාමභෝගී චරිතයකි. අයථා සබඳතාවන් නිසා විවාහය තුළ ස්ථාවරත්වයක් නොමැති විය. ඇය රූමත් හා කාමීනී බාහිර පෙනුම නිසා අන්‍යයන් වහා වශීකර ගැනීමට සමත්ය. මුලදී ඉතාම දුබල තත්ත්වයෙහි තිබුණු ඔහුගේ ව්‍යාපාර කටයුතු ශීඝ්‍රයෙන් පහතට ඇදවැටිණි. කළයුතු කිසිවක්ම නැති නිසා මේ ව්‍යාපාරිකයා වෙනත් විවාහයකට යොමු විය. ඇයද මුලදී විවාහයක් වී සැමියාගෙන් සිදුවන අඬදබර හා වධහිංසා විඳදරා ගැනීමට නොහැකි වූ නිසා ඔහුගෙන් දික්කසාද වී තිබිණි. මෙම කේන්දර දෙක ගැඹුරින් පරීක්‍ෂා කර බැලීමේදී දෙදෙනාගේම ග්‍රහ හැසිීරීම් රටාව ඉහළම තත්ත්වයෙන් සුබව, ධනාත්මකව ඇත. ග්‍රහ පොරොන්දම ඉතාම සුබයි. මේ වන විට මේ ව්‍යාපාරිකයා විශාල දියුණුවක් පෙරටත් වඩා ලබා ඇති අතර, විදේශ වෙළෙඳපොළ සමඟද ගනුදෙනු කරනු ලැබේ. ජීවිතවලට මෙවැනි සිදුවීම් තුඩුදෙන බැව් පැහැදිලිය. වාසනාවන්ත අඹු-සැමි දෙදෙනකු එක වහලක් යට ජීවත් වන විට සාර්ථක සැමියකු පිටුපස වාසනාවන්ත දිරිය බිරිඳක් සිටින්නීය යන්න පූර්ණ ඇත්තකි.
ප්‍රවීණ ජ්‍යොතිෂවේදී ටී. හෙන්රි බෙම්මුල්ල