ක්රි.ව. 1929 ක්රි.පූ. සැප්තැම්බර් මස 28 වැනි සෙනසුරාදා රාත්රි 11.50ට වෘෂභ ලග්නයෙන් ඉන්දියාවේ අනුරාෂ්ට දේශයේදී මෙලොව එළිය දුටුවේ වෘෂභ ලග්නය උදාව පවතින වේලාවේය. ලග්නයේ ගුරු තුන් වැන්නේ සඳු සිව්වැන්නේ සිකුරු පස්වැන්නේ රවි, හය වැන්නේ කුජ, බුධ, කේතු හා අටවැන්නේ ශනිත් දොළොස්වැන්නේ රාහුත් විය.
නවාංශකය කටක පළමු වැන්නේ ශුක්රත් දෙවැන්නේ ගුරු, සිව්වැන්නේ කුජ, බුධ, රාහුත් නව වැන්නේ සඳු දහවැන්නේ රවි, ශනි, කේතුත් විය.
රවි – හත නැකැතේ පළමු පාදය
චන්ද්ර – අස්ලිස නැකැතේ පළමු පාදය
කුජ – සිත නැකැතේ තුන්වැනි පාදය
බුධ – සිත නැකැතේ තුන්වැනි පාදය
ගුරු – මුවසිරස නැකැතේ පළමු පාදය
සිකුරු – මා නැකැතේ හතර වැනි පාදය
ශනි – මුල නැකැතේ පළමු පාදය රාහු – බෙරන නැකැතේ තුන් වැනි පාදය
කේතු – විසා නැකැතේ පළමු පාදය
ඉහත දක්වා ඇත්තේ ඇය උපදින විට ග්රහයන් ගමන් කළ නැකැත් පාදයි
මේ ග්රහයා සඳුගේ නැකැතක සිටිවිට ඇයට සුබපල දී ඇත. රවි ඇයව ලෝක ප්රසිද්ධියට පත්කර ඇත. රාජ්ය සම්මාන පවා ලැබී ඇත. ගීත විශාල සංඛ්යාවක් ගායනා කර වාර්තා පිහිටුවීමටත් , රවි උපකාරි වී ඇත. රවි ග්රහයා උපතේදී වචනයට අධිපති බුධගේ කන්යා රාශියේ යෙදී ඇත.
උපතේදී ග්රහයා ස්වක්ෂේත්රව කටක රාශියගතව බුධ, කිවි, අස්ලිස නැකැතේ ගමන් අරඹා ඇත. සඳු, කටක රාශිගතව යෙදීම කාන්තාවකට ඉතා හොඳ පිහිටීමකි. හොඳ යහපත් ගතිගුණ ඇති වේ. කාගෙත් සිත් දිනාගෙන කටයුතු කරන්නියක් වීම සඳු තුන්වැන්නේ ඇයට විදෙස් ගමන්වලට අවස්ථාව සලසා දී ඇත.
කුජ ග්රහයා උපතේ සය වැන්නේ ඇත. එහෙත් වෘෂභ ලග්නයෙන් උපන් ඇයට සුබපල දෙන ග්රහයෙක් බැවින් කුජ සුබපල උදාකර දී ඇත. උපතේදී සය වැන්න ගතවූ බැවින් සුළු සුළු අසනීප කුඩා කල සිට සෑදී ඇති බව පෙනීයයි. කුජ, බුධ සමඟ කේතු කේන්ද්රයෙන් හය වැන්න ගතවීම ඇයට මිහිරි කටහඬක්ද ධන ලාභද ලබා දී ඇත.
බුධ ග්රහයා ජන්ම ලග්නයේ සය වැන්නත්, සඳු කේන්දරයෙහි හය වැන්නෙන් සිත නැකැතේ තුන් වැනි පාදයෙනුත් ගමන් කර ඇති බව පෙනී යයි. වෘෂභ ලග්න අයට බුධ සුබඵල ගෙනෙන ග්රහයෙකි. බුධ, තුලා, රාශි ගතවීම අලංකාර වස්ත්ර පරිහරණයට ලැබෙන ග්රහ බලයකි. පියකරු රූපයකටද හිමිකම් කියන ඈ බුද්ධිමත්ව කටයුතු කරන්නියක් විය. අතිවිශාල රසික රසිකාවන්ගේ සිත් ඇගේ ගායනයෙන් පිනවා ඇත.
ගුරු ග්රහයා උපතේ ලග්නය වන වෘෂභ රාශිගතව ඇත. ගුරු වෘෂභ ලබන අයට අසුබ ග්රහයෙක් ලෙසද සඳහන්ව ඇතත්, (වෘෂභයට ගුරු සතුරු වේ) එය හතර කේන්ද්රයෙන් එකක් වන ලග්න ස්ථාන ගතවීම එහි දෝෂ භංගයට හේතුව වී ඇත. ගුරුට ලග්න ස්ථානය සුබපල ගෙන දෙන ස්ථානයකි. එයින් ගුරුගේ අසුබ දෝෂ භංග වී ඇයව හොඳ තත්ත්වයකට පත්කර ඇති බව පෙනෙයි. සිකුරු ලග්නයේ සිව්වැන්න වන සිංහ රාශියේ සතුරුව යෙදී ඇත. නවාංශකය වන කටක නවාංශක ගතවත් සතුරු වී ඇත. සිකුරු යෝග කාරක ශනිගේ අර්ථ දෘෂ්ටියකටද ලක්ව ඇති බව පෙනේ. යෝග කාරක ශනි අර්ධ දෘෂ්ටියක් සිකුරුට හෙළා ඇත. මේ අනුව සිකුරුගේ අසුබ බලය තරමක් දුරට හෝ හීනකර ඇත. සිකුරු පීඩාවට පත්වීමත් කලාවට බලපාන සිකුරු ඇයව ලෝකප්රකට ගායිකාවක් කිරීමේ රහස කුමක්ද? සිකුරු ලග්න කේන්ද්රයෙහි සතර ගතවීමත් නවාංශක කේන්ද්රයෙහි ලග්නගත වීමත් බව පෙනී යයි. අපේ ලාංකීය ගායන ලොවේ සිකුරු මෙසේ මුල්ව ජයකෙහෙළි නැංවූ රූපසිංහ මාස්ටර් ප්රධාන පුද්ගලයෙකි. ශනි ග්රහයා යෝගකාරක ග්රහයෙක් බව ජ්යොතිෂය අනුව පෙනී යයි. එහෙත් තවත් තැනක වෘෂභ ලග්න අයට නව වැන්න බාධකස්ථානය වී ශනි මකරය වන එහි අධිපති වී ශනි බාධක ග්රහයා වන බවද සඳහන් වේ. තවද ශනි උපතේ අටවැන්න ගතවීම අසුබ බවක් දැක්වේ.
පොදුවේ ගත්කල රාහු ග්රහයා මෙම හඳහනේ දොළොස්වැන්න වන රවිට රාශිගතව සතුරුව යෙදී ඇත. රාහු ග්රහයා දොළොස්වැන්නට සුබයි යන මතයක්ද එක් තැනක අසුබයයි යන මතයන් දෙකක් වේ. 6, 8 12 පාපීන්ට සුබයි යන මතය අනුව සුබ බව තීරණය වේ. එහෙත් (මේෂ රාශියට රාහු සතුරු බවක් දක්නට ඇත.)
කේතු මෙම හඳහනේ හය වැන්නේ විය. තුලාවට කේතු සතුරුයි. කේතු හය වැන්නට සුබ ග්රහයෙක් බවත් සඳහන් වේ. කුඩා කල නිතර නිතර ලෙඩ රෝග සෑදී ඇතත් බොහෝ දුරට වැඩිවියට පැමිණෙත්ම නිරෝගී ශරීරයකට හිමිකම් කියන්නියකි.
මෙම තැනැත්තියට ගායිකාවක් වීමට රවි, බුධ උපකාර වී ඇති බව පෙනේ. රවි, කන්යාව ගතවීමත් බුධ, තුලා ගතවීමත් ඇයට අග්ර ගණයේ කලාකාරියක් වීමට භාග්යය උදාකළේය. ඇයට විදෙස්ගතව සංගීත ප්රසංගවලට සහභාගී වීමේ අවස්ථාව, වාසනාව උදාකර ඇත. ඇයගේ විදේශ ගමන් පෙන්වයි. තුන් වැන්නේ සඳු යෙදී ස්වක්ෂේත්රවීම විදේශ ගමන්වලට ඇයව වැඩි වශයෙන් යොමුකර ඇත්තේය.
ශනි අට යෙදීමෙන් විවාහය පමා වීමක් හෝ අවිවාහක බවද උදාකරයි. මෙහි සඳු තුන් වැන්න වීම නිතරම ඇවිදවන ග්රහ පිහිටීමකි. ඇය තම ජන්ම භූමිය පුරාම සංගීත ප්රසංගයන්ට සහභාගි වී ඇති අතර, හින්දි සිනමාවේ වැඩිම චිත්රපට ගීත ගායනාවක් සිදුකර වාර්තාවක් පිහටුවා ඇත. එසේම චිත්රපට ගීත සෑහෙන ප්රමාණයකට ඇයට සම්මානයන් ලැබී ඇත. ක්රි.ව. 1951 සිට ක්රි.ව. 1971 දක්වා වූ සිකුරු මහ දශාව ගතවූ කාලය ඇගේ ජීවිතයේ ස්වර්ණමය කාල වකවානුවක් වූ බව කිවයුතුයි.
ප්රවීණ ජ්යොතිෂවේදී ගොඩගම ජයසේන ජයසිංහ