වර්තමානයේ නම් ඕනෑම නිවෙසක රෝගයක් නැහැයි කියන තරමේ අයකු නැති තරම්ය. ප්රායෝගිකව ගමනක් බිමනක් යන්න මඟ තොටට බැස්සත්, වෙනයම් කටයුත්තකට පිරිසක් අතරට ගියත් , මරණයක්, මඟුලකට සහ – සම්බන්ධ වුණත් කතා බහ කරන බොහෝ දෙනෙක් අවධානය යොමු කරමින් වං – හුං දොඩන්නේ රෝග තත්ත්වයන් මූලික කර ගනිමිනි. නමුත් පවත්නා අයහපත් ආහාර රටාවන් මේ සඳහා බලවත්ව හේතු පාදක වුවත්, තුවාලය ඇත්තා එහි වේදනාව දන්නා ලෙසින්ම මේ පවත්නා ලෙඩ රෝගයන්ට වගේම නිවෙස්වල රෝග හට ගන්නට මුල්වන දෝෂයන්ට පිළියම් සොයමින් බොහෝ දෙනා ඉබාගාතේ එහෙමෙහ ඇවිදිනවා. නමුත් මේවාට නිත්ය විසඳුමක් ළං කර ගන්නට නොහැකිව ළත වන්නේ අතේ මිටේ තිබුණු සන්තකේද නිරපරාදේ විය පැහැදම් කරගනිමිනි.
බෞද්ධ, කිතුනු යන ඕනෑම ආගමක අයකුට බුදු දහමේ සෙවණ, ආශීර්වාදය ලබා ගන්නට සීමාවන් බාධාවන් පමුණුවා නැත යන කාරණාව ඔබ කවුරුත් දන්නා දෙයක්. ඒ වගේම තමයි ඒ බුදු මඟට යොමු වෙමින් දිවි සරි කර ගන්නට වෙර දරන්නවුන්ට බලාපොරොත්තු කාරණා මුදුන් පමුණුවා ගන්නට ද හැකියාව පවත්නා බැව්ද සුවිශේෂී කාරණාවක්. ඉතින් අද ඔබටත්, ඔබගේ නිවෙසේ සහෘදයන්ටත් වැළඳී ඇති ලෙඩ රෝග, අශුභතා, බලවත් දෝෂ සහමුලින්ම දුරු කර ගන්නට හැකියාව පවත්නා වූ යන්ත්රයක් මා ඔබ වෙත ගෙන එමි. මේ උතුම් පල දෙන යන්ත්රය බෝධීන් වහන්සේ නමක් අබියස තබා ජීවම් කිරීම සිදු කළ යුතු අතරම, රෝග – දෝෂයන්ට පාත්රව සිටිනා අයද අසලට ගත්තාට වරදක් නැත.
මල් වර්ග 9, බුලත් 9, රිදී පඬුරු 9, කැවිලි 9, පලතුරු වර්ග 7 විශේෂයෙන් සූදානම් කර ගත යුතු අතරම, අනෙකුත් පුද පූජාවන්ද නිසි ලෙස සිදු කරන්නට පළපුරුදු ඇදුරකු මේ සඳහා පෙළ ගැසෙන්නේ නම් වඩාත් යහපති. නමුත් කල්තියා සූදානමක් සහිතව සිදු කරන්නේ නම් ඔබටද ඒ අවබෝධය ලබා ගත හැකි වන්නේය. මෙය අනෙකුත් යන්ත්රවලින් බොහෝ වෙනස් කම් දරන හෙයින් නිසි ලෙස යන්ත්රය ඇඳ ගැනීම සිදු කර නවග්රහ දිෂ්ටි කර ජප කිරීම සිදු කරන්න.
බලවත් යන්ත්රය
ජීවම –
ඕං තස්ස විකුර්වරෙන්යං භගෙ_ා දෙවශ්යධෛාම හිධියො යොනඃ ප්රවොදයාත් (දහස් වරයි)
ඕං ආපො ජ්යොතිරසො මෘතං බ්රහ්ම භුර්භවඃ ස්වරෝම කං – බං – ගං – ඝං – චං – ඡං – ජං – ඣං – ටං – ඨං – ඩං – ඪං – ණං – නං – ථං – දං – ධං – නං – පං – එං – බං – භං – මං – යං – රං – ලං – වං – ශං – ෂං – සං – හං – ළං – ක්ෂ… (දස දහස් වරයි)
මෙම යන්ත්රයේ මැද පිහිටි පුංචි රවුම තුළ ‘හ්රිං’ කියා ලියා අනතුරුව නිවෙසේ හෝ ඔබගේ නැතිනම් ආතුරයාගේ නම සඳහන් කිරීම සිදු කරන්න. හරි හතරැස් ආකාරයේ තඹ තහඩුවක් යොදා ගැනීම යන්ත්රය ඇඳ ගැනීමට පහසු වන අතරම, යන්ත්රය ජීවමෙන් අනතුරුව රන් සුරයක බහා පැලඳ ගැනීමට හැකි නම් වඩාත් පල ලබා ගත හැකි වන්නේය. මෙම යන්ත්රය නිවැරදිව සහ බලවත්ව යොදා ගැනීමෙන් නිවැසියන්ගේ රෝග /දෝෂ සුවයට මෙන්ම මේ වන විට නිවෙසට අවහිරව පවතිනා අනේක විධ විශ්ව ශක්තීන් ළං කර ගන්නටත්, මතු දියුණුව අභිවෘද්ධිය ඇති කර ගැනීමටත් හේතු පාදක වනු ඇත. අත්දුටු මෙන්ම ප්රත්යක්ෂ මෙම මහැගී යන්ත්රය ඔබත් ඔබේ දිවියට ලං කර ගනිමින් ආශිර්වාදය උදා කර ගන්න.
ඔබට උතුම් තුන් රුවනේ ආශීර්වාදය ලැබේවා!
ජ්යොතිෂවේදී ක්රිෂාන්ත ප්රියදර්ශන
