සංජීවගේ ගම නුවර. රැකියාව නිසා කොළඹ ආව සංජීවයි, බිරියයි අගනුවරට ආසන්නව ඉඩමක් මිලදීගෙන නිවෙසක් ඉදිකරන්න ගත්තේ ලොකු ණය මුදලක් ලබාගෙන. ඉක්මනින් වැඩ නිම කරපු නිවෙස මහනුවර යුගයේ චිත්ර පැරණි ලී බඩුවලින් ලස්සන කරන්න සංජීව අමතක කළේ නැහැ. ඒත් ඔවුන්ගේ ජීවිතවල ලස්සන තිබුණේ කී දවසද?
ගෙදර පදිංචිවෙලා අවුරුදු හතරක් විතර යද්දී ගයනිගේ රැකියාව අහිමි වෙනවා. අප්රසිද්ධ සමාගමක් දියුණු වෙලා ප්රසිද්ධ වුණේ ඔහු අලෙවි කළමනාකරුවකු ලෙස දැක්වූ දක්ෂතාව හා කැපවීම නිසා. උසස්වීමක් නොලැබී සංජීවට එදිරිවාදියකු යටතේ සේවය කරන්න වුණා. සංජීව රැකියාවට අමතරව කථිකාචාර්යවරයකු ලෙස වැඩ කළත් ලෙක්චර්ස් අඩුවෙලා. එතැනත් ගැටලු ඇති වුණා. ලැබෙන ආදායම් අඩුවෙලා. දරුවෝ දෙන්නගේ වැඩ කරගෙන, බැංකු ණය ගෙවාගෙන ජීවත් වුණේ හරි අමාරුවෙන්. ඔහුයි, බිරියයි රට යන්න ලෑස්ති වුණත් ඒකත් හීනයක් වුණා. ගෙදර අසනීපයක් නැතුව හිටියේ සංජීව විතරයි. එකපාරට සංජීව අසනීප වුණා. අක්මාවේ රෝගාබාධ තත්ත්වයක් තමයි සංජීවට හැදිලා තිබුණේ. ගයනිට ජීවිතය ගැන පුදුමාකාර බයක් ඇති වුණේ දරුවෝ දෙන්න එක්ක තනිවෙන්න වෙයි කියලා. ඒ වෙද්දී අතේ සල්ලිත් නැහැ. සැනසීමත් නැහැ. බලාපොරොත්තු වෙන කිසිම දෙයක් හරි ගියෙත් නැහැ.
ඒ නිසා තමයි ගෙදර වාස්තු පරීක්ෂා කළේ. සංජීවගේ නිවෙස පරීක්ෂා කිරීමේදී ඔවුන්ගේ ජීවිත ඇදවැටීමට හේතු වූ වාස්තු දෝෂ සොයා ගැනීමට මට හැකි වුණා. පැවති වාස්තු දෝෂ සහ දෝෂ නිරාකරණය කරගෙන සාර්ථක වීමට උපදෙස් ලබාදුන්නේ මෙසේය.
නිවෙසක ප්රධාන දොර කෙළින් ගේට්ටුව පැවතීම යම් නිවෙසක ප්රධාන දොර කෙළින් ගේට්ටුව පැවතීම කලක් ගතවන විට නිවෙසියන්ගේ ජීවිත පාරට විසිවී යෑමට අවකාශ සලසයි. කොතරම් මුදල් හරි හම්බ කළද ඉතිරියක් නොමැති වීමද, පරිබාහිර කරදරද, පවුල් ජීවිත සීසීකඩ වීම වැනි කරුණු කාරණා ඇති වෙයි. බලවත් ධන හානි ඇතිකරවන දෝෂයකි. දිනෙන් දින බංකෙලොත් බවට පත්ව දිළිඳුභාවයට ඇදදමයි. ජීවිත පරිහානියට එක් හේතුවක් වෙයි. ප්රධාන දොර තිබූ ස්ථානයෙන් ඉවත් කොට දකුණු දිශාවේ වූ සුබ පාදයක දොර තැබීමෙන් දෝෂය ඉවත් කළාය.
විෂමබාහු භූමිය
විෂමබාහු භූමිය යනු පැති 6කින් සමන්විත ඉඩමකි. සරලව කිවහොත් ඉඩමේ මුළු 6කි. දිග පැත්ත වැඩිය පිහිටයි. මෙය මිනී පෙට්ටියක හැඩය ගනී. සමහර අවස්ථාවලදී ඕවාලාකාර හැඩයක් ගන්නා අවස්ථාද ඇත. විෂමබාහු භූමියක වාසය කිරීමෙන් නිරන්තරයෙන් ජීවිතයට අවාසනාව උදාවෙයි. ගෘහමූලිකයාට මාරක ගෙනදෙයි. නිරන්තරයෙන් ශෝකය ඇතිවෙයි. ඉඩම ඕනෑම අතකට දෙකකට බෙදීමෙන් හෝ ඉඩමේ නැම්ම ඇති පැත්තක් කෙළින් කිරීමෙන් දෝෂය ඉවත් වෙයි.
බ්රහ්ම පාදයට එල්ල වන සේ ප්රධාන දොර පැවතීම
මෙයින් අදහස් කරන්නේ බ්රහ්ම පාදයේ සිට විහිදෙන ඍජු රේඛාවකට ප්රධාන දොර කැපීමයි. මෙම නිවෙසේ බ්රහ්ම පාදයේ සිට විහිදෙන ඍජු රේකාවකට අඟල් හයකින් පමණ ප්රධාන දොර හසුවිය. මධ්ය ලක්ෂ්යයකට ලම්බකව හසුනොවූ බැවින් මාරක ඇති නොකළත් පරිහානිය, උසස්වීම් අහිමි වීම, ආර්ථික පරිහානිය, සෞඛ්ය පරිහානිය ආදිය ඇති කරයි. නිවෙසට තව කොටසක් එකතු කර මෙම දෝෂය භංග කළා.
සියලු දෝෂ නිරාකරණයෙන් පසු සංජීවගේ ආර්ථිකය යථාතත්ත්වයට පත්විය. සංජීව මේ වන විට පවුලේ අය සමඟ විදෙස්ගතව සතුටින් ජීවත් වෙයි.
වාස්තුවිද්යා, ජ්යොතිෂවේදී අමාලි අගස්පතිරණ
