ග්රීසියේ විසූ පෛතගරස් නමැති දාර්ශනිකයාගේ ඇවෑමෙන් දියුණු වූ අංක විද්යාව අද ලොව දියුණු වූ විද්යාවක් බවට පත්වී ඇත. ඊජිප්තු සහ බැබිලෝනියානු ජ්යොතිෂ විද්යාව මූලාශ්ර කොටගෙන බිහිවූ අංක විද්යාවට මිනිස් ජීවිතයේ සැබෑ තොරතුරු කිව හැකි බවට සාක්ෂි ඇත. ආදි යුගයේ සිටම පැවත එන මෙම නක්ෂත්ර ක්රමය නිසා මේ වන විට බොහෝ රටවල බොහෝ දෙනා මෙම මූලික සංඛ්යා ඇසුරින් තම ජීවන තත්ත්වය දැනගැනීමට පුරුදුව සිටිති.
කෙනකුගේ ජීවිතයෙහි යම් යම් තොරතුරු හා එම සිදුවීම සිදුවන කාල වකවානුද මේ මඟින් හෙළිදරව් කරගත හැකිය. මෙහිදී පළමුව අවශ්ය වනුයේ තමන්ට හිමි ගුප්ත අංකය හෙවත් දෛව අංකය සොයාගැනීමයි. ඒ සඳහා අවශ්ය වන්නේ ඔබ උපත ලැබූ නිවැරදි වසර, මාසය හා දිනය පමණකි. එය සොයාගන්නේ මෙහෙමයි. ඔබ උපන් වසර, මාසය හා දිනය ආදී සියලුම ඉලක්කම් පහත සඳහන් ආකාරයට එකතු කර තනි අංකයකට ගත්විට කෙනකුගේ දෛව අංකය සොයාගත හැකි වනු ඇත. ඒ සඳහා නිදසුනක් මෙන්න. 1935 නොවැම්බර් 20 උපත ලැබූ අයකුගේ උපන් වර්ෂය, මාසය හා දිනය මෙසේ එකතු කරමු. 1+9+3+5+1+1+2+0 එකතුව 22 තනි අංකයට යළිත් එකතු කරන්න. 2 + 2 = 4 එවිට ලැබෙන අංකය 4ය. හතර යනු එම උපන් දිනයට හිමි දෛව අංකයයි. සමහර උපන් දින තනි අංකයට ගත නොහැකිය. එවැනි අවස්ථාවක අංකය මෙසේ ලබාගන්න. 1935-12-16 දින උපත ලැබුවෙකුගේ (1+9+3+5+1+2+1+6 } 28″ 2+8=10) මෙහිදී තනි අංකය නොලැබුණු නිසා ගතයුත්තේ 1 පමණි. එවිට ඔහුගේ දෛව අංකය 1 වශයෙනි.
දෛව අංකය 1, රවි ග්රහයාට අයත්ය. මෙම අංකයෙන් උපත ලබන අය සමාජයේ කා අතරත් කැපී පෙනෙන උද්යෝගිමත් අයෙකි. අවංක, එඩිතර හදවතක් හිමි මොවුන් විනෝදකාමීය. කාගේත් සිත්ගන්නාසුලු පෞරුෂයකින් යුක්තය. යුක්තිය, අන්යයන් පාලනය කිරීමෙ ආත්ම ශක්තියක් ඇති මොවුන් යුක්තිගරුකය. විනයගරුකය.
මේ අය මුදල් ඉපයිය හැකි කලාත්මක කාර්යයන්හි නියුතු වෙති. තම සහජ දක්ෂතා අන් අය ඉදිරියේ ප්රදර්ශනය කිරීමට ආශා ඇත්තෝය. දෛව අංක 1 ද්රව්ය තලයට අයත් අංකයක් නිසා හැම විටම ලෞකික දියුණුව ගැන සිතයි. තම ධනය, වස්තුව, යානවාහන, ගේ-දොර, ඉඩකඩම් ගැන බෙහෙවින් කතා කරයි. විවේකය තදින් ප්රිය කරන මොවුන් වෙහෙස වී වැඩ කිරීමට කැමති නොවේ. තමන් අතට තම අතමය සෙවණැල්ල යන පැරණි කියමන මොවුහු අකුරටම පිළිපදිති. අන් අයගේ උදව් උපකාර බලාපොරොත්තු නොවන අංක 1 හිමියන් තම උත්සාහයෙන්ම දියුණුව ළඟා කරගනී.
හැම කාර්යයකදීම ජයග්රහණය මිස පරාජයක් ගැන නොසිතයි. දෛව අංක 1 හිමියන්ට සමාජයේ ඉහළ ස්ථානයක් හිමිවන්නේ නිරායාසයෙනි. අංක 1 හිමියන්ට බොහෝ විට හිමිවන්නේ ප්රධානම නැතහොත් මූලිකත්වයෙන් කටයුතු කළ හැකි ජීවන මාර්ගයකි. වැඩි වෙහෙස මහන්සියක් නොලබාම මොවුන්ට රජයේ හෝ සංස්ථාවල උසස් තනතුරු හිමිවිය හැකියි. නොදියුණු ගමක වුවද ඒ ඒ ස්ථානයේ හැටියට එහි ප්රධානියා බවට බොහෝ විට පත්ව ඇත්තේ අංක 1 හිමි පුද්ගලයන්ය. තවද විශේෂයෙන් පොලිස් සේවය, හමුදා සේවයේ නියුතු ප්රධාන තනතුරුවලටද මෙම අංකයෙහි බලපෑම් ඇතිවෙයි. එම පුද්ගලයා කවර තැනකට වැටුණත් එම ආයතනයේ හෝ ස්ථානයේ හෝ කැපීපෙනෙන ප්රධානත්වයක් හිමිවනු ඇත.
දෛව අංක 1 හිමියාට ඉතාම සුබ ඵලදායක වන්නේ මාසයේ යම් දිනෙක පාලන දින අංකය අංක එකට යෙදෙන දිනයක් වෙයි. නිදර්ශනයක් ලෙස 1965-02-05= 28 = 10 = 1 මෙවැනි දින 3ක් මාසයට ඇත්තේය. ඇතැම් මාසවල දින 4ක්ද ඇත. මේ හැර මාසයේ 1 වැනිදා, 10 වැනිදා, 19 වැනිදා දෛව අංක 1 හිමියන්ට සුබයයි සලකනු ලැබේ. දෛව අංක 1 හිමියාගේ පරමායුෂ අවුරුදු 100ක් ලෙස සැලකුවහොත් එම අයට සුබපල ගෙනදෙන අවුරුදු 66ක් වන අතර, ඉතිරි අවුරුදු 34 අසුබදායක වන බව කිව යුතු නොවේ.
අංක 1 හිමියාට නියමිත වයසේදීම අවුරුදු 26 ලැබීමත් සමගම මංගල යෝග උදාකරයි. එසේම වයස 31 හා 45 අතරද සිකුරුගේ බලපෑම නිසා අනුරාගික බව උත්සන්න වීමට පුළුවන. ඒ හැර අවුරුදු 55, 59, 64 හිද අනුරාගික හැඟීම් බලවත් වනු ඇත. ඔවුන්ගේ ජීවිතයේ වැදගත් අවස්ථාවන් සිදුවන වයස් සීමාව වනුයේ වයස 9, 14, 28, 33, 47, 52, 66, 71, 85, 90, 99 යන වකවානුය. එසේම උපන් වර්ෂයේ සිට අවුරුදු 10න් 10ට වැදගත් සිදුවීම් ඇති වීමට නියමිතය. දෛව අංක 1 හිමියාට දුක්මුසු අවස්ථාවන්වලට මුහුණ පෑමට සිදුවනුයේ වයස අවුරුදු 7, 13, 19, 24, 27, 32, 38, 43, 46, 51, 57, 62, 65, 70, 76, 81, 84, 95, 98 යන වකවානුවලය. මෙම වයස් ප්රමාණවලදී බාල සහ මධ්යම යුගයේ නම් විශේෂයෙන් පෙම් සබඳතා බිඳවැටීම, දුක්මුසු මානසික තත්ත්වයක් නිසාද වැඩිහිටි වයස්වලදී නම් අඹු-සැමි භේද හෝ රෝග පීඩා නිසාද නැතහොත් සතුරු උවදුරු නිසාද ඇතිවන මානසික තත්ත්වයන්ද බලපෑමට අවකාශ ඇත.
අංක 1 හිමි පුද්ගලයන්ගේ සාමාන්ය ගතිපැවතුම් හා ස්වභාවයන් අනුව අංක 1 හිමි අය පිළිබඳ අවබෝධයක් ඔබට ලබාගත හැකි වනු ඇත.
හිඹුටානේ පියතිලකද අල්විස්
