තාමත් දරුවන් නැත්තෙ ඇයි

විවාහයේ දාරක සම්පත ලැබීම මෙලොව අති උතුම් ශ්‍රේෂ්ඨතම මහා සම්පතයි. බොහෝ විට අඹු-සැමියන්ට මෙම දාරක සම්පත අහිමි වීම නිසා මානසිකව සදාකාලිකව ඇදවැටේ. මෙහි ජ්‍යොතිෂ විද්‍යාත්මක පදනමක් තිබේ. පිරිමි ශුක්‍රාණුව හා ගැහැනු ආර්තවාණුව හරහා ඇතිවන සංයෝගය හරහා දරු උපත සිදුවෙයි. කලල රූපය ජීවාණුවකි. ආර්තවාණුවට ශුක්‍රාණුව ඇතුළු වූ විගසම ආන්තරාස්කන්ධය නිර්මාණය වෙයි. මෙකී බීජාංකුරයෙහි වර්ණාංශු 48කි. එනම් ජෝඩු 24ක් මවට, පියාට බෙදේ. ස්ත්‍රියකගේ අණ්ඩාශයේ ආර්තවාණු සෑදෙන්නේ මසකට එකක්ය. 50 ඉක්මවූ කළ ආර්තවාණු හටගැනීම නවතී. අවුරුදු 90 ඉක්මවන තුරු වුවද පිරිමියාගේ බීජ කෝෂයේ ශුක්‍රාණු උපදී. පිරිමියා ගතින් මහලු වුවද ශුක්‍රාණු කිසිම විටක මහලු නොවේ.
වර්ණාංශු පාරම්පරිකව දායාද ලෙස ලැබේ. එය ජානමය දැවැන්ත ජාලයකි.
ජ්‍යොතිෂය හරහා බලන විට වඳ ග්‍රහයෝග දක්වා ඇත. කේන්ද්‍රයේ 5, 9 දුර්වලවීම හරහා වඳ බවට පත්වෙයි.
රවි, සඳු දෙදෙනාම 5 වැනි භාවයේ සිටින මොහොතක දෙදෙනාගේ එක්වීමක් නිසා දරුඵල නැත. 5, 9 තැන්වල රවි, කුජ, ශනි, රාහු, කේතු සිටීමෙන් වඳ බව ඇති වෙයි.
පාපීන්ට මැදි වූ කුජ සිටීම නව පාපීන්ට මැදිවී එහි නපුංශක පාපියකු සිටීම.
ශනි ලග්නයේද පාපී ග්‍රහයන් 5 වැන්නේ සිටීමද, 5 වැන්නාධිපති කුජ සමඟ එක්වීමද, ශනි 1 පාපීන් 05 ගේද, ශනි 7 සිටීමද දරු සම්පත් අහිමි වෙයි.
ලග්නයෙහි 6 වැන්නේ පාපීන් සිටීමද, ශනි ලග්නයේද, රවි 5 කුජ 9 සිටීමද, 2 වැනි තිථිය සමඟ අස්ලිස නැකැත යෙදීමද, ඉරිදා දිනකදී 7 වැනි තිථිය සමඟ කැති නැකැත ශනිදා යෙදීමද, 12 වැනි තිථිය සමඟ සියාවස නැකැත යෙදීමද මෙම ග්‍රහ විසම යෙදීම් හෙවත් විෂ යෝනි සහිත වීමද විවාහය අසාර්ථක වනබවට ඉඟියකි. විෂකාරකීය යෝනි පිහිටීම නිසා යුග දිවියේ සෞන්දර්යාත්මක වින්දන ශක්තිය පිරිහෙනු ඇත. වඳ බව ගබ්සා වීම මළ දරු උපත් ආදියට බලපෑම් ඇති වෙයි.
දෙදෙනා අතර සම්භෝගයේදී සුන්දරතම, රසවත් වින්දනය හීන වීමක් ඇති වෙයි. දෙදෙනාම තනිව රහසේ මානසිකව දුක් විඳිනා අය කොතෙකුත් සමාජය තුළ සිටී. යෝනි හීනතාවයෙන්ද, ශාරීරික පෙළෙන විවාහක කතුන් සිටී. මේ පිළිබඳ විවෘතව කතා කළ නොහැකි අන්ධකාර සංස්කෘතියක් දෝලනය වෙයි. එක් අතකින් නාඩි පොරොන්දම යටි අරුත වේ ගැනයි. සතිය පෙර පූර්ව නාඩි වීමත් පුරුෂයා මධ්‍ය හෝ අනන්ත්‍ය නාඩි වීමත් යහපත්ය. පිරිමියා පූර්ව නාඩි වීමෙන් ගැහැනිය සම්භෝග දිවියේ අන්ත අසරණ තත්ත්වයට වහා පත්වෙයි.
වැඩි දෙනෙක් විශේෂයෙන්ම දික්කසාද වීමට ඉදිරිපත් වන්නේ බිරින්දෑවරුන්ය. හේතුව තමාට කිසිදු තෘප්තියක්, වින්දනයක් නැතිවී නීරස යුග දිවියක් ගෙවීමට සිදුවීම නිසාය. ඇත්ත තිත්තයි.
හරියටම නිවැරැදිවම ස්ත්‍රී – පුරුෂ දෙදෙනාගේ ම කේන්දර පරීක්‍ෂා කළොත් දෙදෙනාට විවාහ වී සම්භෝග දිවිය අති සාර්ථකව ගෙවීමට හැකිවේද යන්න තීරණය කර ගැනීමට හැකි වෙයි.
මේ පිළිබඳව වසර හැටකට ආසන්න කාල පරාසයක් විවාහය පිළිබඳ සුවිශේෂී අත්දැකීම් සහිතව මෙසේ සනිටුහන් කරමු.
විවාහය යනු කායික හා මානසික උපරිම සතුටකි. සෞන්දර්යාත්මක ජීවන රටාවකි. දෙදෙනාගේම දික්කසාදය යන වැකියේ අරුත වැරැදියි. මෙය කෙටි කසාදයකි?
ප්‍රවීණ ජ්‍යොතිෂවේදී ටී. හෙන්රි බෙම්මුල්ල