ඉන්දියාවේ වෙළෙඳ ඇමැති පියුෂ් ගොයාල් පවසා ඇත්තේ 2030 දී ඉන්දීය අපනයන ඉලක්කය ඇමෙරිකානු ඩොලර් ටි්රලියන 2ක් වීම සාර්ථක කරගත හැකි බවය.
චෙන්නායිහි අපනයන සම්මන්ත්රණයකදී ඇමැතිවරයා මේ බව පැවැසීය. ඉන්දීය අපනයන ධාරිතාව ලොව පුරා ඉහළ අගයක් ගැනීම වළක්වන්න කාටවත් නොහැකි බව ඔහු පැවැසීය. ඔහු වැඩිදුරටත් පැවැසුවේ 2047දී ඉන්දියාව ඇමෙරිකානු ඩොලර් ටි්රලියන 30ක ආර්ථිකයක් වෙත යන බවත්, එයින් 25%ක් අපනයනය මත පදනම් වනු ඇති බවත්ය.
ඔහු අපනයන ක්ෂේත්රයේ නියුතු වූවන්ගේ ප්රශ්න විසඳීමටද පොරොන්දු විය. අපනයනකරුවන්ගේ සංසදයේ ප්රධානියා පැවසුවේ ඉන්දීය අපනයනකරුවන්ට රුසියාවේ සහ යුරෝපා සංගමයේ හොඳ අවස්ථා ඇති බවය. ඔහු පැවසුවේ ඇමෙරිකානු ඩොලර් බිලියන 8-10ත් අතර අපනයන රුසියාවටත්, බිලියන 15-20ත් අතර යුරෝපා සංගමයටත් ඉදිරි මාස 12 ඇතුළත සැලසුම් සකස් කොට ඇති බවය. ඔහු ඇමැතිවරයාගෙන් ඉල්ලා සිටියේ ඒ සඳහා බැංකු පහසුකම් ලබාදෙන ලෙසය.
මෙහිදී අපනයනකරුවන් නිෂ්පාදන උපාංගවලට බදු අධික වීම ගැනද දුක්ගැනවිලි ඉදිරිපත් කළහ. එලෙසම රුසියාවේ අපනයනවලට රුපියල්වලින් ගනුදෙනු කිරීමේ වාසි සහ යුරෝපා සංගමයට ජපානයට සහ චීනයට අපනයන කිරීමේදී මුහුණ දෙන ගැටලුද මෙහිදී සාකච්ඡාවට ලක්විය.
