Marina Square – Uptown Colombo ව්‍යාපෘතිය ශ්‍රී ලංකා නීතිඥ සංගමය සමඟ අවබෝධතා ගිවිසුමකට එළඹෙයි

කොළඹ වරාය ඉදිරිපිට ඉදිකෙරෙන ශ්‍රී ලංකාවේ පළමු සහ විශාලතම සංවර්ධන ව්‍යාපෘතිය වන Marina Square – Uptown Colombo පසුගියදා ශ්‍රී ලංකා නීතිඥ සංගමය (BASL) සමඟ අවබෝධතා ගිවිසුමකට එළඹෙමින් 2019/2020 වසර සඳහා ශ්‍රී ලංකා නීතිඥ සංගමයේ නිල දේපළ හා නිවාස සැපයුම් සහකරුවා ලෙස කටයුතු කිරීම අරඹන ලදී. මෙම අවබෝධතා ගිවිසුම යටතේ, ශ්‍රී ලංකා නීතිඥ සංගමයේ සාමාජික මහත්ම මහත්මීන් අතර Marina Square – Uptown Colombo සුඛෝපභෝගී මහල් නිවාස පිළිබඳ ප්‍රවර්ධන කටයුතු සිදුකෙරේ. කාර්යබහුල ජීවන රටාවකට හුරුව සිටින නීති ක්ෂේත්‍ර වෘත්තිකයන්ට Marina Square – Uptown Colombo යනු එදිනෙදා රාජකාරීමය කටයුතු හා පෞද්ගලික ජීවිතය සමබරව පවත්වාගෙන යෑම උදෙසා පහසුකම් රැසක් අන්තර්ගත වූ, සුපිරි නාගරික ජීවන රටාවක් උදෙසාම නිර්මාණය වූ නවීන සුඛෝපභෝගී මහල් නිවාස සංකීර්ණයකි.