ජලය පිරිපහදු කිරීම සඳහා ප්රමිතියෙන් තොර රසායිනික ද්රව්ය ප්රමිතිය නොසලකා මිලදී ගැනීමට ඇති සූදානමක් පිළබඳව ඊයේ අප කළ හෙළිදරව්වෙන් පසුව ජල සම්පාදන හා ජල ප්රවාහන මණ්ඩලයේ විගණන අංශය මෙම රසායිනික ද්රව්ය පිළිබදව පරීක්ෂණයක් පැවැත්වීමට තීන්දු කර තිබේ.
ඒ අනුව ඊයේ දහවල් වන විට මෙම රසායිනික ද්රව්ය පරික්ෂා කිරීමට අඹතලේ සහ රත්මලාන රසායනාගාර නිලධාරීන්ව වහා කැඳවා ඇති අතර, විගණන අංශය ඔවුන් ඉදිරියේම අදාළ පරීක්ෂණය සිදුකිරීමට නියෝග කොට ඇත.
මෙහිදී සමාන්යයෙන් රසායන ද්රව්ය පරීක්ෂණය සිදුකරණ පෙනේරයට වඩා විශාල ප්රමාණයේ පෙන්රයක් ගෙනැවිත් අදාළ රසායනික ද්රව්ය පරික්ෂා කර ඇති රත්මලාන නිලධාරීන් මෙම බාල වර්ගයේ රසායනික ද්රව්ය සඳහා අනුමතය දී ඇත.
මෙම තීරණයට එරෙහි වූ අඹතලේ නිලධාරීන් අදාළ වංචා සහගත පරීක්ෂණය වහා අවලංගු කරන ලෙස දැනුම් දී ඇත. මේ පිළිබද ඇති වූ කතාබහ විශාල ගාලගෝටියක් දක්වා පත්වූ විට විගණය අංශය විසින් අදාළ පරීක්ෂණ වහාම අත්හිටුවීමට තීන්දු කොට ඇත.
රට තුළ දැවැන්ත ආර්ථික අර්බුධයක් ඇති අවස්ථාවකදී ජනතාවට ලබා දෙන වතුර වලිනුත් ගසා කෑමට සැරසෙන මෙවැනි පහත් පෙළේ ගනුදෙනු පිළිබද ‘මව්රට’ දැඩි අවධානයෙන් සිටින අතර එම නිලධාරීන් හා ඊට සම්බන්ධ දේශපාලඥයන් සොයා බලා නම් ගම් හෙළිකිරීමට අප සූදානම්.
