මෙගා ලයිෆ්සයන්සස් වෙතින් සමාජ සත්කාර පෙළක්

ජාත්‍යන්තර දියවැඩියා පදනම (World Diabetes Federation) දියවැඩියාවෙන් මිදීමේ සාර්ථකම මාර්ගය ඇත්තේ පවුල තුළම බව අවධාරණය කරමින් ‘පවුල සහ දියවැඩියාව‘ (Family & Diabetes) යන තේමාව පසුගිය වසරේ මෙන්ම 2019 වසරේදීත් ඉදිරිපත් කර ඇත්තේ එහි ඇති වගකීම තව දුරටත් ලෝක ප්‍රජාව හමුවේ ඉස්මතු කිරීමටය.
ශ්‍රී ලාංකේය ජනතාව දියවැඩියා රෝගයෙන් මුදා ගැනීම උදෙසා මෙගා ලයිෆ්සයන්සස් සමාගම සෑම වසරකම දොළොස් මස පුරා විවිධ වැඩසටහන් රාශියක් සමාජ සත්කාරක ව්‍යාපෘති ලෙස ක්‍රියාත්මක කරනු ලබයි. මෙහිදී දියවැඩියාවෙන් මිදී ජීවත්වීම සඳහා දෛනික ජීවිතයේ හුරු පුරුදු සහ වැඩකටයුතු හැඩගස්වා ගතයුතු ආකාරය පිළිබඳ වැඩමුළු හරහා දැනුවත් කිරීම් මෙන්ම රුධිර පරීක්ෂණ සහ වෛද්‍ය උපදෙස් නොමිලේ ලබාදීමේ වෛද්‍ය සායනද වසර පුරා පවත්වනු ලබයි.