කාන්තාවකගේ ජීවිතයේ බොහෝ කාරණා ඇගේ දේහ ලක්ෂණ අනුව හඳුනාගත හැකි බව ජ්යොතිෂයට අනුව විශ්වාස කරනවා. ඊට දේහ ලක්ෂණ විද්යාව භාවිත කෙරෙන අතර මෙහි දැක්වෙන්නේ එවැනි විශේෂිත රහස් එකතුවකි. ඔබගේ හිතවත් කාන්තා පිරිස් ගැන ඉතා සූක්ෂ්මව නිරීක්ෂණය කළහොත් මෙම කරුණුවලට අනුව යම් නිගමනයකට එන්නට ඔබටත් හැකි වේවි.
හිසකෙස්
යම් යුවතියකගේ හිසකෙස් මීමැසි පියාපත් හා සමාන වර්ණයකින් යුක්තද අගින් මඳක් නැවුණු ස්වභාවයක්ද වේ නම් ඇය ඉතා වාසනාවන්තියකි. කෙස් විශාල ප්රමාණයක් සහිත මහත කෙස් කලඹක් ඇත්තී හිතුවක්කාර පිරිමින් ඇසුරට ප්රිය වන්නීය. එසේම රළු හිසකෙස් ඇත්තී පසු කලෙක කණවැන්දුම් වන බව දත යුතුය.
නළල් තලය
යම් යුවතියකගේ නළල උසද පළල්ද මෘදුද අඩසඳ මෙන් සුන්දරද ඇය බොහෝ සැප ලබන වාසනාවන්ත ජීවිතයකට උරුමකම් කියන අතර නළලේ ස්වස්තිකයකට සමාන සංකේතයක් වේද ඇය මහා ධනයක් උරුමකර ගන්නීය. එහෙත් නළලේ රෝම ඇති යුවතිය රෝගී වන්නීය.
ඇස්
ප්රියමනාප පැහැපත් දෑස් ඇත්තී ජීවිතයේ අපරිමිත සැපයට හිමිකම් කියයි. දරුවන්ගෙන් සැමියාගෙන් ආදරය ලබයි. අඩවන් දෑස් ඇත්තී අසම්මත ප්රේමයට ඇලුම් කරන්නීය. තද කළු වර්ණයෙන් යුත් කළු ඉංගිරියාවක් ඇත්තී වාසනාවන්තියකි.
ඉතා කුඩා අසාමාන්ය පෙනුමක් ඇති ඇස් ඇත්නම් ඇයට සිය කුලය රැකගැනීමට හැකියාවක් නොලැබේ. දෑස් වටව නිල් පැහැයට බරවද ඇහිබැම දුන්නක් සේද පිහිටියේ නම් ඇය රාගාධික කාන්තාවක බව පැවැසේ.
දකුණු ඇස යම් ආබාධයකට වෙනසකට හෝ අන්ධභාවයට පත්වූ යුවතිය විවාහයෙන් පසු බොහෝ දරු සම්පත් ලබන්නීය.
නාසය
කුඩා සිදුරු සහිත මධ්යස්ථ ප්රමාණයේ නාසයක් ඇත්තී ඉතා වාසනාවන්ත වේ. එමෙන්ම දිගු නාසය මැදින් නැවුණු ස්වභාවයක් ඇත්නම් ඇය අන් අයට ඊර්ෂ්යා කරන වෛර කරන කාන්තාවකි.
කන්
මනාව වටවූ ස්වභාවයට පිහිටා එල්ලෙන ආකාරයක් දිස්වන කන් ඇත්තී වාසනාවන්ත වේ.
දිව
පිළිවෙළකට මනා ප්රමාණයට මහත්වූ දිව අත්තී වාසනාවන්ත යහපත් තැනැත්තියකි. දිව නිල් පැහැයට බරව පිහිටයි නම් ඇය ගැටුමට බර අදහස් ඇති අමුතු ස්ත්රියකි.
මහත්වූ දිගු දිව ඇත්තී දිළිඳු බවට පත්වන්නියකි. රත් පැහැයට හුරු දිව ඇත්තී නොකිය යුතු දේත් කියයි. රාගී වෙයි. පිරිමින් වසඟයට ගන්නීය.
දත්
උඩු ඇන්දේ සහ යටි ඇන්දේ දත් කිරි පැහැයෙන් කුඩා ප්රමාණයට මනාව පිහිටයිද ඇය වාසනාවන්තියකි. මහත දත් පිහිටි ස්ත්රිය දිළිඳු වන බවත්, රන්වන් පැහැයට හුරු දත් ඇත්තී කපටි තැනැත්තියක බවත් දත යුතුය.
කම්මුල්
දෙකම්මුල් මසින් පිරී පිරිපුන්ව පිහිටියේ නම් ඉතා යහපත් වේ. ජීවිතයේ කෙටි කලකින් සියලු සැප සම්පත් ලබන්නට වාසනාව ඇත්තේය. දෙකම්මුල් මත රෝම ඇත්තේ නම් එය සුබ නොවන අතර වළගැසුණු එවැනි කම්මුල් ඇත්තී රාගාධික වේ.
දෙතොල්
වදමල් පැහැ දෙතොල් ඇත්තී අතිශය වාසනාවන්ත තැනැත්තියකි. එහෙත් රළු, පිටට නෙරූ තොල් ඇත්තී කපටිය. අනුන්ට ඊර්ෂ්යා කරයි. කිසිවකින් සෑහීමකට පත් නොවෙයි. තොල් කළු පැහැ නම් විවාහය දෙදරයි. රෝස පැහැ තොල් ඇත්තී රාගයට වශී වන්නීය.
පියයුරු
යම් ස්ත්රියකගේ පියයුරු එකිනෙකට සමානව දැඩිව උස්ව පිහිටියේ නම් ඇය සැමියාට තදින් ආදරය කරයි. ඔහුගේ සිත සනසන්නීය. එකිනෙකට දුර වුවද සිහින්ව උස්ව දෙපියයුරු පිහිටයි නම් එය රාගී බව කියාපායි. එයින්ම අවැඩක් කරගන්නීය.
අසීමිත දුරකින් පියයුරු පිහිටයි නම් එය අසුබ බව කියැවේ. පහතට බරවූ සිහින් මෙලෙක් පියයුරු ඇත්තී අසීමිත ආශා ඇත්තියකි.
මුල මහත්ව අගට යත්ම සිහින් උල්වූ ස්වභාවයේ පියයුරු ඇත්තී තරුණ කල සැප ලබා පසුව දුක උරුම කරගන්නියක බව පැවසේ.
ඉතිරි කොටස ලබන සතියේ
