දිවයින පුරා විහිදී ඇති මහජන බැංකුවේ ස්වයංක්රීය ටෙලර් යන්ත්ර, මුදල් තැන්පතු යන්ත්ර සහ බිල්පත් ගෙවීමේ යන්ත්ර (Kiosk) කියොස්ක් ඇතුළත් ස්වයං බැංකුකරණ ඒකක ඔස්සේ 2021 වසරේදී රුපියල් ටි්රලියන 1.2කට අධික වටිනාකමින් යුත් ගනුදෙනු මිලියන 82.6ක ප්රමාණයක් වාර්තා වී ඇත.
ශ්රී ලංකාවේ දෙවැනි විශාලතම වාණිජ බැංකුව වන මහජන බැංකුව, මිලියන 14කට අධික වූ ශ්රී ලංකාවේ වැඩිම ගනුදෙනුකරුවන් සංඛ්යාවට මෙන්ම 741කට අධික පුළුල්තම ශාඛා ජාලයටද හිමිකම් කියයි. 2021 වසර තුළදී මහජන බැංකුවේ ස්වයංක්රීය ටෙලර් යන්ත්ර මගින් රුපියල් බිලියන 800කට අධික ගනුදෙනු ප්රමාණයක් සිදුව ඇති අතර, මුදල් තැන්පතු යන්ත්ර 298 මගින් රුපියල් බිලියන 460කට අධික වටිනාකමින් යුත් ගනුදෙනු සිදුවීම විශේෂත්වයකි. බැංකුවේ Kiosk යන්ත්ර ඔස්සේ රුපියල් බිලියන 5ක ගනුදෙනු ප්රමාණයක් ද වාර්තා වී තිබේ. වසරේ දින 365ම පැය 24 පුරා තමන්ට පහසු පරිදි ගනුදෙනු සිදුකළ හැකි මහජන බැංකුවේ ස්වයං බැංකුකරණ සේවා පහසුකම ජනතාව අතර, අතිශයින්ම ජනප්රිය වී ඇති බවට මෙය කදිම නිදසුනකි.
2022 වසර ආරම්භයත් සමගින් මහජන බැංකුව ජාතියේ මූල්ය අවශ්යතා ඉටුකිරීම සඳහා වන සිය මෙහෙවරට කැපවෙමින් අසමසම ඩිජිටල් බැංකු සේවාවන් පිරිනැමීමට ප්රමුඛත්වය ලබාදී තිබේ. ස්වයං බැංකුකරණ ඒකක මෙන්ම බැංකුවේ ඩිජිටල් බැංකුකරණ යෙදවුම වන People’s Wave, People’s Wyn සහ People’s Pay මෙරට ඩිජිටල් බැංකුකරණය නව මාවතක් කරා රැගෙන ගොස් ඇත.
