නවලෝක රෝහල් සමූහය 6 වැනි වරටත් සුවසේවා ක්ෂේත්‍රයේ රන් සම්මානය දිනයි…

මෙරට පුද්ගලික රෝහල් ක්ෂේත්‍රයේ පුරෝගාමී නාමය වන නවලෝක රෝහල් සමුහය පසුගියදා පැවති 56 වැනි CA Sri Lanka’s Annual Report 2021 සම්මාන උළෙලේදී අඛණ්ඩව 6 වැනි වරටත් සුවසේවා ක්ෂේත්‍රයේ රන් සම්මානය දිනාගැනීමට සමත් විය. ශ්‍රී ලංකා වරලත් ගණකාධිකරණ ආයතනය වාර්ෂික සංවිධානය කරන මෙම සම්මාන උළෙලේදී සුවසේවා ක්ෂේත්‍රය වෙනුවෙන් නොකඩවා රන් ඇගයුම හිමිකර ගැනීමට නවලෝක රෝහල් සමූහයට හැකිවීම තුළ අභියෝගාත්මක කාලපරිච්ඡේදයක මෙම ක්ෂේත්‍රයේ නවලෝක රෝහල් සමුහය අත්පත් කර වෙළෙඳපොළ නායකත්වය, විනිවිද බව, වගවීම, යහපත් ආයතනික පාලනය, සහ ආයතනික සමාජ වගකීම් ඉටුකිරීම යන නිර්ණායකයන් අතර අනෙකුත් තරගකරුවන් අභිබවා කටයුතු කිරීමට හැකිව තිබේ.