SLT-MOBITEL වෙතින් ‘Triple Buddy’

ශ්‍රී ලංකාවේ ජාතික තොරතුරු සන්නිවේදන තාක්ෂණ හා ජංගම දුරකතන ජාලය වන SLT-MOBITEL, ‘Triple Buddy’ නමින් විශේෂ අන්තර්ජාල පැකේජයක් හඳුන්වාදී තිබේ. Facebook, WhatsApp සහ YouTube යන සමාජ මාධ්‍යයන් භාවිතය සඳහා තරුණ පරපුර ඇතුළුව සියලු දෙනා අතර ඇති උනන්දුව සැලකිල්ලට ගනිමින් මෙම ‘සුවිශේෂ ඩේටා’ පැකේජය හඳුන්වාදී ඇත.

‘Triple Buddy’ පැකේජය ඔස්සේ පාරිභෝගිකයන්ට මසකට රු. 339ක් (බදු ඇතුළත්ව) වැනි සුළු මුදලකට nonstop (නොනවතින) ඩේටා ලබාගත හැකි වේ. සීමාවකින් තොරව Facebook, WhatsApp සහ YouTube නැරඹිය හැකි ආකාරයට සහ අතිරේක 2GB ඩේටා ඇතුළත් වන පරිදි මෙම පැකේජය සැලසුම් කර ඇත.

සමාජයීය ක්‍රියාකාරකම් සඳහා මෙන්ම අධ්‍යාපනික අවශ්‍යතා සඳහාද සමාජ මාධ්‍ය භාවිත කිරීමට මේ වන විට බොහෝ දෙනෙක් පෙලඹී සිටිති. කෙසේ වුවත් මෙම සමාජ මාධ්‍ය භාවිත කිරීමේදී අධික ලෙස ඩේටා වැය වේ. මෙම ගැටලුවට පිළියමක් ලෙස පාරිභෝගිකයන්ට nonstop (නොනවතින) ඩේටා විසඳුමක් ලබාදීමේ අරමුණින් SLT-MOBITEL Mobile විසින් Triple Buddy පැකේජය හඳුන්වා දෙන ලදී.