නෙස්ලේ සමාගම දේශීය ප්‍රජාව නඟාසිටුවීම වෙනුවෙන් සම්මාන හතරකින් පිදුම් ලබයි

පසුගියදා පැවැති 2020 වර්ෂයේ හොඳම ආයතනික පුරවැසි තිරසාර සම්මාන උළෙලේදී හොඳම ප්‍රජා සබඳතා සඳහා වන අංශයේ ජයග්‍රාහකයා බවට පත්වීමට නෙස්ලේ ලංකා සමාගම සමත් විය. ව්‍යාපාර ලෝකය තුළ විවිධ සමාගම්, තිරසාරභාවය උදෙසා අනුගමනය කරන ක්‍රියාමාර්ග ඇගයීම අරමුණු කරගනිමින් ලංකා වාණිජ මණ්ඩලය වාර්ෂිකව මෙම සම්මාන උළෙල සංවිධාන කරනු ලබයි. දේශීය ප්‍රජාව තුළ ධනාත්මක බලපෑමක් ඇති කරමින්, ගොවියාගේ සිට පාරිභෝගිකයා දක්වා දිවෙන වටිනාකම් දාමය හා බැඳුණු ජනතාවගේ ජීවන තත්ත්වය උසස් කිරීම වෙනුවෙන් ලබාදුන් ප්‍රබල දායකත්වය වෙනුවෙන් නෙස්ලේ සමාගම මෙසේ සම්මානයට පාත්‍ර විය. තවද 2020 වසරේ ශ්‍රී ලංකාවේ විශිෂ්ටතම ආයතනික පුරවැසියන් 10 දෙනා අතරට නෙස්ලේ ලංකා සමාගමද නම් කෙරිණි.

නෙස්ලේ සමාගම, 20,000කට වැඩි ශ්‍රී ලාංකීය කිරි ගොවීන්, පොල් ගොවීන් සහ වගාකරුවන් ප්‍රමාණයකගේ ජීවනෝපාය සමඟ බැඳී කටයුතු කරන අතර, ගෙවුණු වසර තුළ පමණක් ක්ෂුද්‍ර පෝෂකවලින් පරිපූර්ණ කරන ලද ආහාර වේල් මිලියන 923ක් පාරිභෝගිකයන්ට ලබාදීමටද නෙස්ලේ සමාගම සමත්ව තිබේ.

වැඩිහිටියන්ට සහ ළමුන්ට සෞඛ්‍යසම්පන්න සහ ක්‍රියාශීලී දිවි පෙවෙතක් ගතකිරීම සඳහා සහාය වන වැඩසටහන් ගණනාවක්ම නෙස්ලේ සමාගම ක්‍රියාවට නංවා තිබේ. නෙස්ලේ හෙල්දි කිඩ්ස් (Nestlé Healthy Kids), කිඩ්ස් ඇත්ලටික්ස් (Kids Athletics Programme), අධ්‍යාපන අමාත්‍යංශය හා එක්ව දියත් කර ඇති, මයිලෝ පාසල් ක්‍රීඩා සහයෝගීතාව, තරුණ හා ක්‍රීඩා කටයුතු අමාත්‍යංශය හා එක්ව ක්‍රියාත්මක කරන නෙස්ටමෝල්ට් මැරතන් ආදිය මෙන්ම චූස් වෙල්නස් (Choose Wellness) වැඩසටහනද ඊට උදාහරණ සපයයි.