HNB FINANCE PLC අනුරාධපුර ශාඛාව නව නිවහනකට

වසර 20ක් පුරා ශ්‍රී ලාංකීය පාරිභෝගික ජනතාව වෙත නම්‍යශීලී මූල්‍ය සේවාවන් තිළිණ කළ HNB FINANCE PLC හි අනුරාධපුර ශාඛාව පසුගියදා ඔවුන්ටම අයත් සිවුමහල් ගොඩනැගිල්ලකට පිවිසියේය. අභිනව ශාඛාව නොම්මර 64, අභය පෙදෙස නව නගරය යන ස්ථානයෙහි පිහිටා ඇත.

HNB FINANCE හි කළමනාකාර අධ්‍යක්ෂ සහ ප්‍රධාන විධායක නිලධාරී චමින්ද ප්‍රභාත් මහතාගේ ප්‍රධානත්වයෙන් රටේ පවතින නිරෝධායන නීතිවලට අනුකූලව අනුරාධපුර ශාඛාවේ සමාරම්භය සිදු කෙරිණි. අභිනව ශාඛාවේ සමාරම්භයට සමගාමීව අනුරාධපුර නගරය කේන්ද්‍ර කර ගනිමින් විශේෂ ප්‍රවර්ධන වැඩසටහනක් දියත් වූ අතර එහිදී HNB FINANCE හි සේවා පිළිබඳව මහජනතාව දැනුවත් කරන ලදී.

අනුරාධපුර ශාඛාවේ සමාරම්භක අවස්ථාවට එක් වෙමින් අදහස් දැක්වූ HNB FINANCE PLC හි කළමනාකාර අධ්‍යක්‍ෂ/ප්‍රධාන විධායක නිලධාරී චමින්ද ප්‍රභාත් මහතා “ HNB FINANCE අනුරාධපුර ශාඛාව නව නිවහනකට පිවිසීමත් සමගම ආර්ථික, සංස්කෘතික සහ ආගමික වශයෙන් ශ්‍රී ලංකාවේ ඉහළම වටිනාකමක් සහිත මෙම ප්‍රදේශයේ අපගේ සේවා වඩාත් කාර්යක්ෂම හා ඵලදායී ලෙස ප්‍රදේශයේ ජනතාවගේ ජීවන තත්ත්වය නංවාලීම සඳහා උපකාරී වනු ඇතැයි මම විශ්වාස කරනව.” යනුවෙන් පැවසීය.