හොඳ නරක හැමදේම කරන යක්ෂයන්ගේ රජ්ජුරුවෝ මහා වෙසමුණි

මහාමේරු පර්වතයට උතුරු දිසාවේ උතුරුකර දිවයිනේ ආධිපත්‍ය දරමින් ඉන්ද්‍ර, සෝම, වරුණ, භාරද්වාජ, පජාපතී, චන්‍දන, කාමසෙට්ඨ, කින්නුඝණ්ඩු, නිඝණ්ඩු පනාද, ඕපමඤ්ඤ, දේවසූත, මාතලී, චිත්තසේන, ගන්‍ධබ්බ, තල, රාජ, ජනේසහ, සාතාගිර, හේමවත, පුණ්ණක, කරතිය, ගුල, සීවක, මුචලින්‍ද, වෙස්සාමිත්ත, යුගන්‍ධර, ගොපාල, සුප්පගෙධ, හිරිනෙත්ති, මන්‍දිය, පඤ්චාළඡණ්ඩ, ආලවක, පජ්ජුන්න, සුමන, සුමුඛ, දධිමූඛ, මණිමාරනිචර, දීඝ යන මහා යක්‍ෂ සේනාධිපතීහු පිරිවරා මෙම දිව්‍යරාජයාට අයත් අහසේ මවන ලද සුවිශාල නගර කිහිපයකි. තවද වෙසමුණි රජුන්ට උතුරෙන් කපීවත්ත නම් නගරයෙකි. දකුණෙන් ජනෝඝ නම් නගරයෙකි. තවද නවනවති, අම්බර, අම්බරවති, ආලක මන්‍දා විසාණ නම් රාජධානිද ඇත. ඔහුට තතෝලා, තත්තලා, තතොතලා, ඕජසි, තේජසි, තතෝ ජසි, සුර, රාජ, අරිට්ඨ, තේමි, අරිට්ඨපොමි යයි තොරතුරු සපයන බලවත් පිරිසක්ද සිටියි.

වසාණාහි රමණීය වළක් ඇත. එම විල මැද භගලවතී නමැති මනස්කාන්ත රැස්වීම් ශාලාවකි. සියලු යක්‍ෂ සේනාධිපති රැස්ව යක්‍ෂ සමාගම් පවත්වනු ලබන්නේ මෙහිදීය. එම විල්තෙර අවටද ඉතා සිත්ගන්නා පරිදි සදාකල්හිම පලබරින් පිරුණු තුරුලතාවන්ගෙන් සමන්විත විවිධ මනෝහර කුරුලු නාද සහිත කොවුල්, ජීවංකජීවක (ජීවංජීවංයි නාද කරන්නෝය.) රන්රුවන් වස්දඬු රාවයන් පිරුණු ඉතා රමණීය කුරුලු නාදයන්ගෙන් විසිතුරුය.

ඉන්‍ද්‍ර නම්ලත් පුත්‍රයෝ අනූ එක්දෙනෙක් වෛශ්‍රවණ දෙවියන්ට සිටින බව පතපොතේ සඳහන් වේ. තවද කුවේර නමින් සඳහන් වන්නේද වෙසමුනි රජුන් බව හැඳින්වේ. (මෙයට අමතරව වෙසමුනි රජුන්ගේ තේජාන්විත ගුණ කඳනම්භයන් දීර්ඝව සඳහන් කර ඇතිමුත් මෙහි සඳහන් වන්නේ ඉතා සුළු සාරාංශයක් පමණි.)

යන්ත්‍ර-මන්ත්‍ර ගුප්ත විiාවේදී…
වෙසමුණි මාලාව නොහොත් හස්ත කර්ණයේ සඳහන් පරිදි වෙසමුණි දිව්‍ය රාජයාණන් වහන්සේ තුන් ගවුවක් උස ඇති ඉන්‍ද්‍රනීල මාණික්‍යමය වූ ඔටුන්න සිරසේ දරාගෙන දොළොස් ගවුවක් පමණ දිග නීලපට දරා දිව සළුවක් ඇඳගෙන කනට මාණික්‍යමය වූ දිව ආභාරණ පැලඳගෙන සියයක් යොදුන් උස ඇති තුරඟ වාහන පිට නැගී චන්‍ද්‍ර මණ්ඩලාකාර පලිහක් වමතින් දරාගෙන ගවුවක් දිග ඇති වීදුරු කඩුවක් දකුණු හස්තයෙන් දරාගෙන එක් ලක්‍ෂ අටසැට දහසක් යොදුන් උස ඇති මහමේරු පර්වත රාජයාගේ චතුර්වර්ණ ගතවූ සතර දිග්බාගයට අයත් උතුරු දිග්බාගයේ මේ දිව්‍ය රාජෝත්තමයාණන් වැඩ සිටින්නේය.

මෙයට ආදේශව ඉතා බලගතු ඖෂධ රැසකින් සමන් යුතුව මහා වෙසමුණි රාජ තෛලය වත්පිළිවෙත් සහිතව සිඳගෙන ජීවම්කර ගැනීමෙන් සියලු අනවින, තදබල යක්‍ෂ, ප්‍රේත, කුම්භාණ්ඩ, භූත දෝෂ විනාශයට පත්වන අතර, ගේ-දොර, ඉඩකඩම්, ව්‍යාපාරයන්ට හා නිවැසියන්ට ඉතා මහඟු යහපත් ආරක්‍ෂාවක් නොවනුමානව ලැබෙනු ඇත.
ජ්‍යොතිෂවේදී ජේ.එම්. ජයන්ත ඒකනායක