ලංකා බැංකුව ශ්‍රී ලංකාවේ ප්‍රශස්ත ආයතන 10 අතරට නැවතත්

ජාත්‍යන්තර වාණිජ මණ්ඩලය, ශ්‍රී ලංකා වරලත් කළමනාකරණ ගණකාධිකාරී ආයතනය සහ Daily FT ත්‍ඔ පුවත්පත එක්ව ශ්‍රේණිගත කිරිම් කරන දිවයිනේ ඉහළම ඇගැයීමට පත් සමාගම් දහය අතරට ශ්‍රී ලංකාවේ අංක එකේ බැංකුව, ලංකා බැංකුව අඛණ්ඩව දෙවැනි වරටත් ඇතුළත්ව තිබේ.

ලංකා බැංකුව මෙම ඉහළින්ම ඇගැයීමට පත් සමාගම් දහය අතරට අඛණ්ඩව දෙවැනි වරටත් එක්වන්නේ ශ්‍රී ලංකාවේ මූල්‍ය ක්ෂේත්‍රය සහ දේශීය ආර්ථික සංවර්ධනය සඳහා දරනු ලබන දායකත්වය සැලකිල්ලට ගනිමින්ය.

වසර 81ක අසමසම ඉතිහාසයකට උරුමකම් කියන ලංකා බැංකුව අද වන විට ශ්‍රී ලංකා බැංකු ක්ෂේත්‍රය තුළ ඉහළම ලාභ උපයන ආයතනය බවට පත්ව තිබේ. ලක් රජය විසින් දියත් කරනු ලබන බොහෝ සමාජ සහ ආර්ථික සංවර්ධන වැඩසටහන්වලට හැකි සෑම ආකාරයකින්ම උපරිම දායකත්වය ලබාදෙමින් සිය ජාතික වගකීම නොපිරිහෙළා ඉටු කරන්නට ලංකා බැංකුව සෑම විටම පියවර ගෙන ඇත.