අමතක නොකළ යුතු 1947 පෙබරවාරි

මෙරට පැවැති යටත්විජිතවාදී පාලනයේ අඳුරු යුගය අවසන් වීමේ සුබ පෙරනිමිති පහළ වීමේ මාසය ලෙස 1947 පෙබරවාරි මාසය හඳුන්වාදිය හැක. එම මාසයේදී සේනානායක මහතා එංගලන්තයේ යටත්විජිත භාර මහලේකම්තුමාට පෞද්ගලික සංදේශයක් යැවීය. ඒ සමඟම එංගලන්තයට ගිය සර් ඔලිවර් ගුණතිලක මහතාට සේනානායක මහතා වෙනුවෙන් යටත්විජිත මහලේකම්තුමා සමඟ සාකච්ඡාවට අවස්ථාව ලැබිණි. එහිදී අභිනව පාලන ක්‍රමයක් යටතේ ලංකාවට පූර්ණ ස්වතන්ත්‍ර බලය පැවරීම පිළිබඳ පළමු පොරොන්දුව ලැබුණු බව ඉතිහාසයේ සඳහන් වෙයි.