මෝටර් බයිසිකල් හා ත්‍රිරෝද රථ සඳහා සුවිශේෂී රක්ෂණාවරණ

මෝටර් රථ රක්ෂණයේ ප්‍රමුඛයා ශ්‍රී ලංකා ඉන්ෂුවරන්ස් මෝටර් ප්ලස්, ත්‍රිරෝද රථ සහ මෝටර් සයිකල් සඳහා සුවිශේෂී ප්‍රතිලාභ සහිත විශේෂ රක්ෂණාවරණ හඳුන්වාදී තිබේ.

මෝටර් සයිකල් සඳහා හඳුන්වාදී ඇති මෝටර් ප්ලස් රයිඩර් සුවිශේෂී මෝටර් රථ රක්ෂණය මගින් රක්ෂිතයාට රු. 100,000 ක් දක්වා පුද්ගලික හදිසි අනතුරු ආවරණයක් ලබාදෙන අතර රු. 25,000 දක්වා වන්දි මුදල් වැඩකරන පැය 3ක් තුළ ලබාදීම සිදු කෙරේ.

ත්‍රිරෝද රථ සඳහා හඳුන්වාදී ඇති ඇති විශේෂ මෝටර් රථ රක්ෂණය මෝටර් ප්ලස් ටුක් මගින් රක්ෂිතයා සඳහා රුපියල් 100,000ක් වටිනා පුද්ගලික අනතුරු ආවරණයක් පිරිනමන අතර, රු. 40,000 දක්වා වන්දි මුදල් වැඩකරන පැය 3කින් ලබාදීම සහ වසරකට රු. 5,000 උපරිමයක් දක්වා වූ නොමිලේ ඇදගෙනයාමේ පහසුකම ලබාදේ.

මෙම සුවිශේෂී රක්ෂණාවරණ වෙළඳපළෙහි පවත්නා සුවිශේෂී රක්ෂණ අවශ්‍යතාවලට අනුකුලව සකස්කොට ඇති අතර පාරිභෝගිකයාට උපරිම පහසුව ලැබෙන අයුරින් හඳුන්වාදී තිබේ.