මහජන බැංකුවේ ATM යන්ත්‍රයක් මාකුඹුර බහුවිධ ප්‍රවාහන මධ්‍යස්ථානයට

මහජන බැංකුවේ ස්වයංක්‍රීය ටෙලර් යන්ත්‍රයක් (ATM) කොට්ටාව, මාකුඹුර බහුවිධ ප්‍රවාහන මධ්‍යස්ථානයේදී දෙසැම්බර් 23 වැනිදා විවෘත කෙරිණි.

මේ තුළින් මාකුඹුර බහුවිධ ප්‍රවාහන මධ්‍යස්ථානයට පැමිණෙන ජනතාවට දිනයේ පැය 24 පුරාම මුදල් ලබාගැනීමේ පහසුකම හිමිවේ.

මෙම අවස්ථාවට ප්‍රවාහන අමාත්‍ය ගරු ගාමිණි ලොකුගේ, මහජන බැංකුවේ සභාපති සුජීව රාජපක්ෂ, ප්‍රධාන විධායක නිලධාරි/ සාමාන්‍යාධිකාරි රංජිත් කොඩිතුවක්කු, ප්‍රවාහන අමත්‍යංශයේ ලේකම් මොන්ටි රණතුංග, රාජ්‍ය අමාත්‍යංශයේ ලේකම් ලලිත් ද අල්විස්, මහ කොළඹ නාගරික ප්‍රවාහන ජාල වැඩි දියුණු කිරීමේ ව්‍යාපෘතියේ අධ්‍යක්ෂ නාලක දිසානායක, මහජන බැංකුවේ නියෝජ්‍ය සාමාන්‍යාධිකාරි (ශාඛා කළමනාකරණ) මහින්ද ප්‍රේමනාත්, අලෙවි ප්‍රධානි නාලක විජේවර්ධන, කොළඹ පිටත ප්‍රාදේශීය කළමනාකාර ලාල් පිරිස් යන මහත්වරුන් ඇතුඵ බැංකු නිලධාරින් සහභාගි වූහ.

මහජන බැංකුව දිවයින පුරා විහිදුණු ස්වයංක්‍රිය ටෙලර් යන්ත්‍ර 760 ක් සහ ස්වයං බැංකුකරණ ඒකක 244 ඔස්සේ ජනතාවට මූල්‍ය සේවා සපයයි.