Singer සහ ASUS හවුල්කාරීත්වයෙන් 11th Generation Laptop

Singer Sri Lanka සහ ASUS අතර ඇති හවුල්කාරිත්වයේ ප්‍රතිඵලයක් ලෙස ශ්‍රී ලංකාවට ප්‍රථම වරට 11th generation laptop හඳුන්වාදී දෙයි. Singer හඳුන්වා දෙන මෙම ASUS laptop, 11th Gen Intel processor සහ වසර දෙකක ගෝලීය වගකීමක් සහිතව ඔබ අතට පත්වේ.

මෙම 11th Gen ලැප්ටොප් පරිගණකයන්හි සැකැස්ම ගත් කල එය සිහින් සැහැල්ලු ආකාරයෙන් නිර්මාණය කර ඇති අතර උසස්ම ගණයේ processor, Intel TGL platform හරහා නවතම විශේෂාංග ගෙන එමින් තාක්ෂණික වශයෙන් උසස් ක්‍රියාකාරිත්වයක් ගෙන දෙයි. ASUSහි Intelligent Performance Technology මගින් උපාංගයේ කාර්යසාධනය 40% දක්වා ඉහළ නැංවීමක් සිදු කෙරේ. එසේම අඛණ්ඩව මනා ක්‍රියාකාරීත්වයකින් යුතුව CPUහි ක්‍රියාකාරීත්වයද ඉහළ නංවයි. තවද දවස පුරා දිගු බැටරි ආයු කාලයක් පවත්වා ගැනීමට ද මෙමගින් සහය ලබා දෙයි. මෙම උසස් ක්‍රියාකාරීත්වය මගින් ලැප්ටොප් පරිගණකයේ සිසිලන පද්ධතිය ද දවස පුරා මනා ක්‍රියාකාරීත්වයකින් පවත්වා ගනිමින් අපහසුතාවයකින් තොරව වැඩ කටයුතු කර ගැනීමට අවස්ථාව සලසයි.

ගෝලීය පරිගණක උපාංග දැවැන්තයා වන ASUS සහ Singer Sri Lanka අතර ඇති ශක්තිමත් හවුල්කාරීත්වය, මෙරට සිල්ලර වෙළෙඳ අංශය තුළ සාර්ථකත්වයක් උදා කර ගෙන ඇත. ASUS සමාගම විසින් 2018 වසරේදී Singer Sri Lanka සමාගම ශ්‍රී ලංකාව තුළ සිය මහාපරිමාණ සිල්ලර වෙළෙඳාම් හවුල්කරු වශයෙන් පත් කර ගැනිණි. එහිදී 430කට අධික Singer ප්‍රදර්ශනාගාර සහ Singer Mega හා Singer Plus ප්‍රදර්ශනාගාර හරහා ASUS නිෂ්පාදන සඳහා තවදුරටත් වර්ධනය කළ හැකි වෙළෙඳ ප්‍රවේශයක් ලබා ගැනීමට හැකි විය.