අහසින් ගිය සිංහ මිනිස්සු කවුද?

නවීන තාක්‍ෂණික දියුණුවත් සමගින් වැඩියෙන් ගුරුත්වාකර්ෂණය ගැන කතාබහ වුවද මෙය ඉතා දිගු ඉතිහාසයක් දක්වා සොයා බැලිය යුතු කරුණක්. මොකද අයිසෙක් නිව්ටන් ගුරුත්වාකර්ෂණය හොයාගන්න අවුරුදු දහස් ගණනකට පෙර මෙරට ජීවත් වූ හෙළයන් අහසින් ගමන් කළ බවට මේ වන විට හඳුනාගෙන තිබෙනවා. එහිදී රාවණ රජතුමා අමතක කළ නොහැකි චරිතයක්. ඇතැම් බටහිර රටවල් රාවණ ගැන කතා පුවත් මනඃකල්පිතයක් සේ හුවාදැක්වීමට කටයුතු කිරීම තුළද වඩාත් අවධානයෙන් ඒ ගැන සිතිය යුත්තේ ඇයිද යන්න පැහැදිලි වෙනවා.

එසේම වර්තමානයේ ගුරුත්වාකර්ෂණය යන සංකල්පය අභිභවා ගිය දස්කම් – විස්කම් පාන්නට අතීත හෙළයාට ශක්තිය සහ සුවිශේෂී වූ දැනුමක් තිබූ බවත් රහසක් නොවේ. ඒ වගේම ඊජිප්තු පිරමීඩ කැටයම්වල තිබුණු එක්තරා සටහනක් මෙහිදී වඩාත් අවධානයට ලක්කළ යුතු යැයි සිතනවා. එම සටහනේ මෙලෙස තිබූ බව පැවැසෙනවා.
“අහසින්… ආ… සිංහ මිනිසුන් අපගේ පිරමීඩ ඉදිකිරීමට දායක වූ බව”

මෙහිදී වඩාත් සැලකිල්ලට ගතයුතු කරුණු කිහිපයක් හඳුනාගත හැකියි. එනම් අහසින් ගිය සිංහ මිනිසුන් යනු අතීත හෙළයන් බවත් ඔවුන් එසේ ගුරුත්ව බලය ජයගෙන අහසින් ගමන් කළේ කෙසේද යන්නත්ය. ඊළඟට සැකකළ හැකි ප්‍රධානම කාරණය වන්නේ ඊජිප්තු පිරමීඩවල තාක්‍ෂණය අතීත හෙළයන්ගේමද යන්නන්ය.
පිරමීඩ යනු සොහොන් කොත්ය. අතීත රජවරුන්ට අයත් සිරුරු මිහිදන් කිරීම සඳහා ඉදිකළ පිරමීඩවල හිස උල් ආකාරයට හැදීමේ ප්‍රධානතම කාරණාව වන්නේ ගුරුත්ව චුම්බක බලයෙන් ප්‍රයෝජන ගෙන සිරුරු කල් තබා ගැනීමය. එය සිදුවන්නේ පිරමීඩ හිසට චුම්බක බලය වැටෙද්දී එය පිරමීඩ බිත්ති දිගේ විහිදී ගමන් කිරීමයි. එයින් සිරුරුවල පැවැත්ම වැඩි වෙනවා.

අනෙක් කරුණ නම් මෙරට සියලුම දාගැබ් සහ ධාතු කරඬු ආදියේද හිස උල් හැඩයෙන් ඉදිකිරීමට අතීතයේ පටන් කටයුතු කර ඇති අයුරු ඉතා පැහැදිලිව හඳුනාගත හැකියි. මේ සියලු කාරණා සම්බන්ධව ඉතා අවධානයෙන් සිතා බැලීම වර්තමාන හෙළයාගේ වගකීමය. මන්ද යත් රාවණ රජු දඬුමොනරයකින් අහසින් ගමන් කළේ අද ඊයේ නොවේ. ඒ මීට වසර දහස් ගණනකට පෙරයි. එසේ නම් වසර දහස් ගණනකට පෙර හෙළ වැසියන් ඉතා දියුණු තාක්‍ෂණයක් භාවිත කළ ජන කොට්ඨාසයක් බව පැහැදිලි වෙයි. ඒ අනුව මෙතෙක් ලෝකයේ හමු වී ඇති තොරතුරු අනුව රාවණ හැර කිසිවකු අහසින් ගමන් කළ බවට පැහැදිලි හඳුනාගැනීමක් නැත. එසේ බලද්දී ඊජිප්තු පිරමීඩ හදන්නට අහසින් ගොස් උදව් කළ ඒ විශිෂ්ට සිංහ වැසියන් හෙළයන්ම මිස අන් කවරකුවත් නොවන බවට තවත් සාක්‍ෂි අවශ්‍ය නැත.

චමිලා ප්‍රියදර්ශනී