HUTCH – oDoc එකතුවෙන් ටෙලි මෙඩිසින්සේවාවේ නවමු වෙනසක්

ශ්‍රී ලංකාවේ ජංගම දුරකථන සන්නිවේදනයේ ප්‍රමුඛතම පාරිභෝගික තේරීම වන හච්, මෙරට ප්‍රමුඛ පෙළේ ටෙලිමෙඩිසින්සේවා සපයන oDoc හා අත්වැල් බැඳගනිමින් නවතම ජංගම දුරකතන සන්නිවේදන සේවා අත්දැකීමක් හච් පාරිභෝගිකයින් වෙත ලබා දීමට පියවර ගෙන තිබේ. හච් හා oDoc අත්වැල් බැඳ ගනිමින් පවත්වාගෙන යන මෙම නවතම සම්බන්ධතාවය ඔස්සේ, සුවිශේෂී ටෙලි මෙඩිසින් සේවාවක් දැන් පාරිභෝගිකයින් හට පිරි නැමේ. එමගින් සතියේ දින හතේම, පැය 24 පුරාම ක්‍රියාත්මක අන්තර්ජාල විශේෂඥ GP වීඩියෝ චැනලින් සේවාවක් ලබා ගැනීමට පාරිභෝගිකයන්ට අවස්ථාව සැලසී තිබේ. ඒ අනුව, ඕනෑම හච් පාරිභෝගිකයකුට සිය ජංගම දුරකතනය මගින් මෙම සේවාව බුක් කිරීමෙන් මිනිත්තු තුනක් ඇතුළත මෙම වෛද්‍ය සේවාව ලබාගත හැකි වීම විශේෂත්වයකි.

රට තුළ තවමත් පහව නැති කොවිඞ් අවදානම හේතුවෙන් අසනීප තත්ත්වයන් පැවතියද, රෝහල් ගත වීමට මෙන්ම, ප්‍රතිකාර ලබා ගැනීම සඳහාද රෝහල් වෙත යාමට බොහෝ දෙනා මැළිකමක් දක්වති. එවන් පසුබිමක, සුළු අසනීප තත්ත්වයන් හමුවේ රෝහල් වෙත යාමේ අවශ්‍යතාවය අවම කරන සුදුසුම විකල්පය ලෙසින් මෙම වෛද්‍ය සේවාව හඳුන්වා දිය හැකිය.

HUTCH- oDoc අත්වැල් බැඳ ගනිමින් හච් පාරිභෝගිකයින් වෙත පිරි නමන මෙම විශේෂඥ වෛද්‍ය සේවාව, මසකට රු. 99ක් හා බදු ඇතුළත් ඉතාමත් පහසු මිලකට ලබා ගත හැකිය. පාරිභෝගිකයින්ට, *6363# අංකනය කර දවසේ ඕනෑම වේලාවක මෙම සේවාව වෙත ප්‍රවිෂ්ට විය හැකි අතර, වෛද්‍ය සහය පිරිනැමීම සඳහා 600කට අධික වෛද්‍යවරුන් පිරිසක් වෙත ප්‍රවේශ වීමට එමගින් හැකියාව සලසා තිබේ.